ئەڤرۆ جڤاتا وەزیرێن هەرێما كوردستانێ دێ دو پرسێن گرنگ گەنگەشە كەت
بڕیارە ئەڤرۆ چارشەمبی 16 ئیلۆنا 2026، جڤاتا وەزیرێن هەرێما كوردستانێ ب سەرۆكاتییا مەسرور بارزانی، سەرۆكێ حوكمەتا هەرێمێ، كۆمبوونا خوە یا ئاسایی ئەنجام بدەت. د وێ كۆمبوونێ دا، دوو تەوەرێن سەرەكی دێ هێنە گەنگەشەكرن.
تەوەرێ ئێكێ یێ كۆمبوونێ بۆ گەنگەشەكرنا بەرهەڤییان بۆ دەستپێكرنا سالا نوو یا خواندنێ یا 2026-2027 هاتییە تەرخانكرن. د ڤی چارچۆڤەی دا، وەزیرێ پەروەردەیێ و وەزیرێ خواندنا بلند و ڤەكۆلینێن زانستی دێ هووركاریێن پلان و بەرهەڤییێن خوە ئێخنە بەر دەست.
د تەوەرێ دوویێ دا، شاندێ بلندێ حوكمەتا هەرێما كوردستانێ دێ ڕاپۆرتەكێ ل دۆر كۆمبوونێن خوە ل گەل وەزارەتێن دارایی، نەفت و پلاندانانا ئیراقێ پێشكێش كەت. ئەو ڕاپۆرتە دێ گرنگییێ دەتە پرسا ڕەشنڤیسێ پرۆژەیاسایا بودجەیا گشتی یا ئیراقێ یا سالا 2027ێ.
هەروەسا، شاندێ بلندێ حوكمەتا هەرێمێ دێ ئەنجامێن كۆمبوونێن خوە ل گەل پەرلەمانتارێن هەرێما كوردستانێ ل جڤاتا نوونەرێن ئیراقێ ئێخنە بەر باس. د پشكەكا دی یێ ڤی تەوەرەی دا، داتایێن پەیوەندیدار ب بەهرا هەرێما كوردستانێ ل گۆرەی ئەنجامێن دووماهی سەرژمێرییا ئیراقێ ب هووراتی دێ هێنە گەنگەشەكرن.
