هێمن هەورامی ل ئەمریكا رەوشا هەرێما كوردستانێ ل گەل دیبلۆماتكار و نوونەرێن وەلاتان گەنگەشەكر
بەرپرسێ مەكتەبا رێكخستنا پارتی دیموكراتی كوردستان ل سەر ڤەخواندنا فەرمی یا لژنەیا هەڤپشك یا گۆنگرێسێ ئەمریكی، پشكداری د كۆمبوونا ئەڤسالە یا NPB، هەڤدەم د چارچۆڤەیێ كۆمبوونێدا، ل گەل دیبلۆماتكار و نوونەرێن وەلاتان رەوشا هەرێما كوردستانێ گەنگەشكر.
هێمن هەورامی، ئەندامێ مەكتەبا سیاسی و بەرپرسێ مەكتەبا رێكخستنا پارتی دیموكراتی كوردستان راگەهاند: پشكداری د كۆمبوونا ئەڤسالە یا NPB ل ئەمریكا كر، د كۆمبوونێدا ب پشكدارییا دۆنالد ترەمپ، سەرۆكێ ئەمریكا و هەژمارەكا وەزیر و ئەندامێن گۆنگرێسی، سەرۆكێ كۆسۆڤۆ، سەرۆك وەزیرێن ئەرمینیا، سەرۆكێ بەرێ یێ ئۆكرانیا، دیلۆماتكار و دو هزار و 500 كەسایەتیێن دیار ژ 121 وەلاتێن جیهانێ و پشكداربوونا 46 ویلایەتێن ئەمریكی برێڤەچوو.
هێمن هەورامی باس ل وێ چەندێ ژی كر، ل سەر ڤەخواندنا فەرمی یا لژنەیا هەڤپشك یا كۆنگرێسێ ئەمریكی، پشكداری د وێ كۆمبوونێدا كر كو كۆمبوونا سالانەیا 72 یە.
هەورامی دیاركر ژی: د چارچۆڤەیێ ڤێ كۆمبوونا گرنگدا من دیدار ل گەل هەژمارەكا بەرچاڤ ژ كەسایەتیێن دیار و دیبلۆماتكار و نوونەرێن وەلاتان ئەنجامدان و تێدا مە بیر و بۆچوون ل دۆر رەوشا هەرێما كوردستانێ و دەڤەرێ لێكگۆهارتن.
هەر د چارچۆڤەیێ سەرەدانا خوە بۆ ئەمریكا، بەرپرسێ مەكتەبا رێكخستنا پارتی ل گەل یوجین ڤیندمان، ئەندامێ كۆنگرێسێ ئەمریكی كۆمبوو، ل دۆر وێ كۆمبوونێ هەورامی دیاركر» من ب هووری روانگەه و سیاسەت و هەلویستێ سەرۆك بارزانی و سەركردایەتییا پارتی ل سەر رەوشا ناخوەییا كوردستانێ و رەوشا ئیراقێ و پەیوەندییان، رەوشا سووریێ و پرسا كوردی، رەوشا ئاسایشا دەڤەرێ و چاڤەڕێیێن هەرێما كوردستانێ ژ ئیدارەیا نوو یا ئەمریكا بەرچاڤكر».
