ئازارێن پەنابەرەکی
پەرلەمان سەبری – لەندەن
ئاخ بابۆ
ئەڤە چ بوو؟
نەخۆشییا تە ژیانا من سەر و بن کر
ئازارێن تە گیان د جەستەیێ من دا هەژاند
ترس یا بوویە کابووس
ئالایێ خوە د دلێ من دا چەقاند
سیتاڤکا من دەست ل حەڤکا من دانایە
خوینبەرا دلێ من قەتاند
یێ دویرم، بابۆ…
دبێژن: نەزڤڕە یا ب مەترسییە رێکا تە
چ رێک نینن بۆ لایێ تە.
لێ ئەز کونکون ل ڕێیان دگەڕم
دێ خوە ل ئاگر وجەنگان دەم
بۆ دیدارا تە
دێ هەموو سنوورێن نەیاسایی بڕم
دا بهێم ب ڕوونم ل بالگەهێ تە
ما من کی هەیە ژ بلی تە
دێ هێم دا تێر بگریم ژ بەر ژان و نالینێن تە
ئەز ب هەموو پیرۆزییان سویند دخۆم
گەر دۆزەخ و ئاگرێن جیهانێ هەموو ڕێگر بن
دێ دەمە ناڤ بۆ ماچیکرنا ئەنییا تە
دێ ڕابە یە عقوبێ من
ها ئە ڤە هات یووسڤێ تە.
