ئازراندنا بابەتێ دو ئیدارەی و شەرێ ناڤخوە د بەرژوەندا کێ و چ دایە؟
ئه‌ڤرۆ نیوز:
ئامینا زكرى ئه‌نداما په‌رله‌مانێ كوردستانێ دپه‌یجێ خوه یێ فێسبووكێ نڤێساندیه” ئازراندنا بابەتێ دو ئیدارەی و شەرێ ناڤخوە د بەرژوەندا کێ و چ دایە؟
ئامینا زكرى د درێژاهیا نڤیساندنا خوه‌دا گوتیه: شەرێ دەرونیا هندەك دەزگەهێن میدیایێن سیبەر و راگەهاندنێن سەر بـ بزاڤا گوران و هندەك لایەنێن دیتر بارێ سایکولوژی و گوزەرانێ خەلکی بـ زەحمەت ئێخستیە، د ڤان کاودانێن بەرتەنگ دا خەلکێ کوردستانێ پێدڤی بـ ئێکگرتنا مالا کوردستانی، ئارامی و ئاشتیا کومەلایەتیە، پێدڤیە هەمی لایەنێ سیاسی و دەزگەهێن راگەهاندنێ د چارچوڤێ ئاشتیا کومەلایەتی و ئێکرێزیا نشیتمانی گەلێ کوردستانێ کار بکەن. نە بـ بەلاڤەکرن و گێرانا میزگەردێن نە د بەرژەوەندیا گشتی و نشتیمانی دا بەروکێن شەری سست بکەن و مەعنەویاتێن پێشمەرگەهـ و خەلکێ کوردستانێ لاواز و کز بکەن، گەلو ئازراندنا بابەتێ دو ئیدارەی و شەرێ ناڤخوە د بەرژوەندا کێ و چ دایە؟کی مفادارە ئەگەر دو ئیداریی لـ کوردستانێ دا دروست ببیت؟بوچی هندەک راگەهاندنێن کوردستانی هند بـ ئاسانی بوینە دار دەستێن ئەجندایێن دەرکی و بـ ئازراندنا دو ئیدارەیی پرسا سەربەخویا کوردستانێ د بیردانکا خەلکی دا کز دکەن؟بوچی شەرێ ناڤخو و دو ئیدارەیی بوینە بابەتێ هندەك بەرنامە و میزەگردێن وان کەنالان؟ ئیسرارا وان کەنالان بو راکێشانا هێزێن کوردستانی بو دو ئیدارەیی و شەرێ ناڤخوە ژ چ سەرهەلددەت؟ ددەمەکێ دا د مێژویا کوردستانێ دا چ جاران هندی ڤێگاڤێ نێزیکێ دەولەتێ نەبویە، و ئەڤە هەمی بو سیاسەتا حەکیمانە و سەرکردەیێ مێژویا گەلێ کوردستانێ سەروك بارزانی و پێشمەرگەهـ و ئیرادا خەلکێ کوردستانێ دزڤریت.
ئامینا زكرى ل دووماهیێ دخواز ژ هەمی پارتیێن سیاسی و کەنالێن راگەهاندنێ كریه کو ئاشتیا جڤاکی و ئێکرێزیا گەلێ کوردستانێ تێک نەدەن و بەرنامێن نە د بەرژەوەندیا نشتیمانی و سەربەخوەیا کوردستانێ براوەستینێن، کوردستان پێدڤی بـ ئارامی و سەقامگیریا سیاسی و جڤاکیە.
