ئاسایشا زاخۆ دەست ب سەر هژمارەکا مادێن بێهوشکەر دا گرت
ئەڤرۆ نیوز، عەلی حاجی :
رێڤەبەرێ ئاسایشا زاخۆ د داخویانیەکێ دا بۆ ئەڤرۆ نیوز ئاشکرا کر: هێزێن وان شیان بازرگانەکێ مادێن بێ هوشکەر دەست سەر بکەن کو ژ دەرڤەی وەلاتی هات بوو.
زێدەتر شڤان سندی گۆت : ئەڤرۆ شەمبیێ٢٣/٥/٢٠٢٠ پشتی ١٥ رۆژان چاڤدێری ژلایێ وان ڤە هاتیە کرن ل سەر کەسەکێ بازرگانێ مادێن بێ هوشکەر و پشتی دیتنا چەندین بەلگەیان هێزێن وان شیان وی کەسی دگەل ٣٢ کێلوگرامێن مادێن ژ جورێ کوبا ژ جورەکە ژ ماددەیێن هێروین دا بگرن کو ئەڤ کەسە ژ دەرڤەی وەلاتی هات بوو، د خواست بازرگانیێ ب وی ماددەی بکەت ل کوردستانێ و ئەو کەسە ژیێ وی دناڤبەرا ٤٠ هەتا ٤٢ سالیێ دایە و نوکە دا ئەو مادە د بن کونترولا هێزێن ئاسایشا زاخۆ دایە.
