ئاستێ ئاڤا رووباران بلندبوویه
ئه‌ڤرۆ نیوز ، نه‌وزاد هلۆرى:
پشتى بارینا بارانه‌كا باش و حه‌لیانا به‌فرێ ل چیایێن ده‌ڤه‌را نێروه‌ورێكان و دوستكى ژورا و چیایێ شیرینێ، ل سنورێ قه‌زا ئامێدیێ ، ئاستێ ئاڤا هه‌ر سێ رووبارێن رێزان ، ئاڤا شین و رووبارێ زێ مه‌زن ل سنورێ قه‌زا ئامێدیێ و مێرگه‌سوور بلند بوویه
ئه‌ندازیار “خه‌مره‌ڤین ته‌یرۆ ” ژ رێڤه‌به‌ریا ئاڤدانا ئامێدیێ بۆ ئه‌ڤرۆ نیوز گۆت: (ژ ئه‌گه‌را بارینا بارانه‌كا باش یا چه‌ند رۆژێن بۆرى و حه‌لیانا به‌فرا چیایێن ده‌ڤه‌را ئامێدیێ ب تایبه‌تى ده‌ڤه‌را نێروه‌ورێكان و دۆسكى ژۆرى و چیایێ شیرینێ ، ئاستێ ئاڤا رووبارێن سنورێ قه‌زا ئامێدیێ و ده‌ڤه‌رێن دن بلندبوویه كو ئه‌ڤ یه‌ك ژى مزگینیه‌كا خوه‌شه و دێ بیته سه‌ده‌م جاره‌ك دن ئاستێ ئاڤا ژێرزه‌ڤى و سه‌ر ئه‌رد باش ببیت و ژ هه‌شكه‌سالیێ داوى بهێن).