ئاشتی هه‌ورامی هوشداریا راوه‌ستاندنا به‌رهه‌مئینانا په‌ترۆلێ دده‌ت
ئه‌ڤرۆنیۆز، ئه‌یاد به‌روارى:
وه‌زیرێ سامانێن سرۆشتی ل هه‌رێما كوردستانێ هوشداریا راوه‌ستیانا به‌رهه‌مئینانا په‌ترۆلێ ل هه‌رێما كوردستانێ دا، ژ ئه‌گه‌رێ نه‌بوونا پارێ پێدڤی بۆ كۆمپانیان.
ئاشتی هه‌ورامی وه‌زیرێ سامانێن سرۆشتی ل هه‌رێما كوردستانێ ل دووڤ سایتێ( NNA) به‌لاڤكرى، د چارچۆڤێ پشكداریا وی د كونگره‌كی دا ل له‌نده‌ن، گۆتاره‌ك پێشكێشكر و راگه‌هاند” دبیت به‌رهه‌مئینانا په‌ترۆلێ ل هه‌رێما كوردستانێ ب راوه‌ستیت ژ به‌ر ئه‌گه‌رێ نه‌بوونا پارێ پێدڤی بۆ وان كۆمپانیێن په‌ترۆلا هه‌رێما كوردستانێ ده‌ردئینن.
ل دووڤ سایتێ ناڤبرى، ئاشتی هه‌ورامی ئاماژه دا كو وه‌زاره‌تا سامانێن سروشتی نه‌شێت داخوازێ ژ كۆمپانیان بكه‌ت كو ژ وه‌رگرتنا پارێ وان یێ هه‌یڤانه ببه‌خشن هه‌تاكو بارودۆخێ ئابوورى باش ببیت، چونكی كۆمپانیان شیانێن سنۆردار یێن هه‌ین و هه‌تا ده‌مه‌كێ كێم دشێن په‌ترۆلێ بێ پاره به‌رهه‌م بینن، دبیت ل دووماهیێ ژى ژ ئه‌گه‌رێ نه‌بوونا پاران كارێن خوه راگرن.
