ئاكرێ : مۆسلمان و مەسیحی پێكڤە جەژنا رەمەزانێ دگێرن
ئەڤرۆ نیوز،رەمەزان هەرنی:
ل دەڤەرا ئاكرێ هژمارەكا گوندێن مەسیحیا هەنە و ل هندەك گوندا ژی مەسیحی و مسۆلمان پێكڤە دژین و ساڵانە پشكداریێ ل جەژنێن ئێك دوو دكەن.
وەحیدا پاشا ئاكرەیی چالاكڤانا جڤاكی ل دەڤەرا ئاكرێ بۆ ئەڤرۆ نیوز گۆت : گێرانا جەژنێ ل ئاكرێ تایبەتمەندیا خوە هەیە وەك دروستكرنا خارنێن كوردەواری و بەلاڤكرنا شرینا هیا ، سەد ساڵ هەیە ل دەڤەرا ئاكرێ مسۆلمان و مەسیحی پێكڤە جەژنێن ئێك دوو دگێرن بێ جوداهی، هندەك گوندا مەسیحی و مسۆلمان پێكڤە دژین و كەس جوداهیا وان نابیت ئەگەر ب خوە نەبێژن كو ئەم مەسیحی نە.
روبینا تیاری ئەنداما پەرلەمانێ كوردستانێ ل پێكهاتەیا مەسیحیا ل دەڤەرا ئاكرێ بۆ ئەڤرۆ نیوز گۆت: تێكهەلبۆنا پەیوەندیێن جڤاكی ناڤبەرا مسۆلمان و مەسیحیا ل دەڤەرا ئاكرێ بۆ سەد سالێن بۆری زڤریتەڤە و هەتا نوكە ئەو پێكڤە ژیان باشتر بۆیەو پتر بەرەڤ پێش چۆیە و كو مسۆلمان و مەسیحیی پێكڤە بێ جوداهی جەژنێن ئێك دوو پیروز دكەن و سەردانێن ئێك دوو دكەن.
