ئاكپارتى ئاماده‌يه ل گه‌ل هه‌ر لايه‌نه‌كى هه‌ڤپه‌يمانيێ بكه‌ت و هه‌ده‌په ره‌تدكه‌ت
ئه‌ڤرۆ نيوز:
ئه‌حمه‌د داود ئوغلۆ، سه‌رۆك وه‌زيرێن كاربرێكه‌ر يێ توركيا و سه‌رۆكێ گشتى يێ ئاكپارتى كو پارتا وى رێزا ئێكێ د هه‌لبژارتنێن په‌رله‌مانێ توركيا دا ب ده‌ست خوه ڤه ئينايه، بۆ كه‌نالێ ته‌ره‌ته يێ فه‌رمى يێ وه‌لاتێ توركيا راگه‌هاند: هه‌موو بژارده بۆ پێكئينانا هه‌ڤپه‌يمانيێ ل گه‌ل لايه‌نێن ئۆپۆزسيۆن د ڤه‌كرى نه.
گۆتژى: “ئاكپارتى چو هێلێن سۆر نينن، بۆ پێكئينانا هه‌ڤيه‌يمانيێ”، ئه‌ڤ گۆتنا وى ژى وه‌كو به‌رسڤدانه‌كێ بوو يۆ پێگه‌هێ ده‌يلى سه‌باح يێ نێزيك ژ ئه‌ردۆگان كو به‌حس ل وێ چه‌ندێ كريه كو ئاكپارتى سێ هێلێن سۆر بۆ پێكئينانا هه‌ڤپه‌يمانيێ ل گه‌ل هه‌ر لايه‌نه‌كى دياركرينه.
داود ئوغلۆيى گۆت: “چو كه‌س نه‌شێت ب ناڤێ ئاكپارتى هێلێن سۆر ديار بكه‌ت، به‌لكو هه‌موو هه‌لبژارتى ل به‌ر پارتا وان د ڤه‌كرى نه، كوتا ژى هه‌لبژارتنا دووماهيێ يه كو هه‌لبژارتنێن پێشوه‌خت ل توركيا بهێنه ئه‌نجام دان”.
ئاماژه ب وێ چه‌ندێ ژى كر كو خه‌لكى ب ده‌نگێن خوه ره‌ت كر كو ل گه‌ل سيسته‌مێ سه‌رۆكاتيێ بن ئه‌وێ ئه‌ردۆگان بزاڤ بۆ دكر.
ژ لايێ خوه ڤه سه‌لاحه‌دين ده‌ميرتاش، هه‌ڤسه‌رۆكێ هه‌ده‌پێ، ته‌كستێ ل سه‌ر وێ چه‌ندێ دكه‌ت كو يێ ئاماده نينه ل گه‌ل ئاكپارتى هه‌ڤپه‌يمانيێ بكه‌ت، به‌لێ ده‌رگه‌هێ هه‌ڤپه‌يمانيێ ل به‌ر دو لايه‌نێن دى يێن توركيا نادايخيت.
ده‌رباره‌يى قووناغا چاره‌سه‌ريێ ژى گۆت: “ئه‌ڤه كێشێن كوردانه و عه‌بدولا ئوجه‌لان يێ ئاماده‌يه داخوازا چه‌كدانانێ ژ په‌كه‌كێ بكه‌ت.