ئامارا گشتی یا زیان و قوربانیێن کوردێن ئێزدی هاتنه دیارکرن
ئەڤرۆ نیۆز،زنار تۆڤی:
رێڤه‌به‌ریا گشتی یا كاروبارێن ئێزدیان ل وه‌زاره‌تا ئه‌وقافا حوکمه‌تا هه‌رێما كوردستانێ ئامارا ره‌ڤاندی و كوشتى و رزگاربوویێن ئێزدیان ژ ده‌ستێن تیرۆرستێن داعشێ به‌لاڤ كرینه و د وێ ئامارێ دا هاتیه كو سێ سه‌د و شێست هزار ئاواره بووینه.
هەروەسا دیارکریە،کو هه‌تا نوكه 43 گۆرێن ب كۆم هاتینه دیتن ل گه‌ل دیتنا ب ده‌هان گۆرێن کت کت، هه‌روه‌سا 68 مه‌زارێن ئێزدییان ژ لایێ تیرۆرستێن داعشێ ڤه هاتینه په‌قاندن.
دیسا د وێ ئامارێ دا هاتیه،كو رێكخستنا تیرۆرستی یا داعشێ 6 هزار و 417 ئێزدی ژ كچ و ژن و زارۆك و مه‌زنان ره‌ڤاندینه،كو 3 هزار و 547 کەس ژ ره‌گه‌زێ مێنه و 2 هزار و 870 ژ ره‌گه‌زێ نێرن.
ئاماژه ب وێ یه‌كێ ژی كرییه،کو هەتاکو نوکە 3 هزار 92 کەس ژ ده‌ستێن تیرۆرستان هاتینه رزگاركرن،کو ژ وان هزار و سه‌د و دو ژنن و 335 ژی زه‌لامن.