ئاڤا خابیرێ زاخۆ نمرا پیڤایی یا ٢٠ سالان شکاند
ئەڤرۆ نیوز، عەلی حاجی :
رێڤەبەرێ رێڤەبەریا بەنداڤان ل زاخۆ د داخویانیەکێ دا بۆ ئەڤرۆ نیوز دیار کر بلند بونا رێژەیا ئاڤا خابیری ل زاخۆ نمرەیا پیڤایی شکاند ژبەر کو زێدەتری ٢٠ سالە ب ڤی رەنگی ئاڤا خابیری بلند نەبوویە.
زێدەتر سەلمان محەمەد گوت: (ماوەیێ زێدەتری ٢٠ سالایە ب ڤی رەنگی ئاڤا خابیری بلند نەبوویە ل دویف پیڤانا مە ئاڤا خابیری ل زاخۆ ئەڤرۆ ل روژا چار شەمبێ رێککەڤتی ١٨/٣/٢٠٢٠ ٨,٥ ئاڤا خابیری ل زاخۆ ژ ئاستێ ئاڤێ بلندتر بوویە و بۆ ئێکەم جارە ماوەیێ ٢٠ سالان دا بلند ببیت و ل سالال ٢٠١٣ زێدەتری ٧.٥ ئاڤا خابیری بلند ببوو ئێدی ئاڤ رابوونا ئەڤرۆ نمرا پیڤایی د ماوەیێ ٢٠ سالان دا شکاندی یە، زێدەباری وێ چەندێ ژی بلندبوونا ئاڤێ کارتێکرن ل هاتنوچوونا ناڤ بازاری ژی کریە.
