NO IORG
په‌يامنێر

2

پشتی زێدەتری هەیڤەكێ‌ ژ راوەستیانا خولێ‌ دوهی دەست ب هەڤڕكیێن گەڕا 13ێ‌ یا خولا ستێرێن ئیراقێ‌ یا فوتبۆلێ‌ هاتە ئەنجامدان، تیما یانەیا دهۆك ب سەركەفتنەكا گرنگ سێ‌ خال دەستڤە ئینان و زاخۆ ب نەهـ یاریزانان شیا خالەكێ‌ ژ بەغدا پایتەختێ‌ ئیراقێ‌ ڤەگەڕێت.
د ناڤ ئەرد و جەماوەرێ‌ خوە دا تیما یانەیا دهۆكێ‌ شیا د خولەكێن زێدەتری یێ‌ یاریێ‌ سەركەفتنەكا گرنگ ل سەر مێڤانا خوە یانەیا ئەلقاسم بینت ب گۆلەكێ‌ بێ‌ بەرانبەر، گۆلا دهۆكێ‌ ژلایێ‌ هێرشبەرێ‌ پێكگۆر جەبار كەریم د خولەكا 90+4 تۆماربكەت پشتی مفا ژ دەركەفتنا گۆلپارێزێ‌ ئەلقاسم بینت و تەپێ‌ ژ دەرڤەیی دەڤەرا پەنەلتیێ‌ بینت و سێ‌ خالێن گرنگ بۆ تیما خوە زێدەكەت.
ژلایێ‌ خوە تیما یانەیا زاخۆ بێ‌ گۆل دگەل مێڤاندارا خوە یانەیا حدوود یا بەغدایی، د یارییا واندا ئەوا ل یاریگەها كەرخ هاتیە كرن، د ڤێ‌ یاریێ‌ دا و خولەكا 32ێ‌ یاریزانێ‌ زاخۆ ئەحمەد ئیبراهیم ب كارتا سۆر هاتە دوورئێخستن، د ماوەیێ‌ یاریێ‌ دا تیما زاخۆ شیا ئاستەكێ‌ باش نیشان بدەت، یاری بێ‌ گۆل ب دووماهی هات
سائد ئەلسویدان هاریكارێ‌ راهێنەرێ‌ زاخۆ د پرێسكۆنفرانسەكێ‌ دا گۆت: سۆپاسیا یاریزانان دكەین كو د نەخۆشترین كاوداندا تایبەت پشتی دوورئێخستنا یاریزانەكێ‌ مە ب كارتا سۆر كارتیكرن و گڤاشتن ل سەر تیمێ‌ هاتە كرن، هەروەسان تیما حدوود ئاستەنگ بۆ مە پەیداكرن و نەچاربووین پشتی دوورئێخستنێ‌ پلانا خوە ب گوهۆڕین.
ژ یاریێن دی یێن ئەڤرۆ، كەرخ- نەفت میسان، ئەمانەت بەغدا- نەفت میسان شورتە- زەورا، سوبەهی هەولێر ل یاریگەها شەهید فرانسو حەریری دێ‌ مێڤاندارییا نەورۆز كەت، بۆ زانین یارییا كارەبا و كەربەلا بۆ دەمەكێ‌ دی هاتە پاشئێخستن ژبەر پشكدارییا تیما كارەبا د قارەمانییا یانەیێن ئاسیا دا.

ئەڤرۆ نیوز، عەلی حاجی:

رێڤەبەرێ گەشت و گوزارێ ل زاخۆ بۆ یٔەڤرۆ نیوز دیار کر سەرباری قەدەغەیا هاتن و چوونێ ل کوردستانێ ل سالا بوری بەلێ هاتنا گەشتیارا د رێژەیەکا زور دا بوو و هاتبا ب وی رەنگی یا گەشتیاران نە یا چاڤەرێکری بوو.

زێدەتر چیا ئەمین گۆت: (ل سالا بوری ل ١٧/٢  قەدەغەیا هاتن و چوونێ ژلایێ حکومەتا هەرێما کوردستانێ هات بوو راگەهاندن و هەر دیسان رێکێن دناڤبەرا هەرێما کوردستانێ و دەڤەرێن عێراقێ هات بوونە گرتن و هاتنا گەشتیاران ژی د وی دەمی دا نەبوو،بەلێ پشتی هەیڤا ١٠ یا سالا بوری یٔەو دەرگەهـ هاتنە ڤەکرن و رێژەیەکا زور یا گەشتیارێن دەڤەرێن عێراقێ قەستا هەرێما کوردستانێ کرن کو هەر ژ دەست پێکا هەیڤا ١٠ یا سالا بوری هەتا ١٥/١/٢٠٢١، ٨١ هزار گەشتیاران قەستا باژێرێ زاخۆ کرینە کو ٥٥ هزار گەشتیار ژ دەڤەرێن عێراقێ هاتینە و ٢٦ هزار ژی ژ دەڤەرێن جودایێن کوردستانێ قەست کرینە و یٔەڤ رێژەیە ژی نەیا چاڤەرێکری بوو و مە هزر د هاتنا ڤێ رێژەیا زێدە یا گەشتیاران دا نەدکر و د وەرزێ زڤستانێ دا هاتنا گەشتیاران یا زێدە دبیت ژ یٔەگەرێ هاتنا بەفرێ و یٔەز پێشبینی ژی دکەم رەوشا گەشتیاری د وەرزێ زڤستانێ دا بەرەڤ باشتر ڤە بچیت).

ناڤهاتی گۆت ژی : بۆ سالا ٢٠٢١ وان پلانەکا باش دارێشتی یە و دێ بیتە ئێک ژ فاکتەرێن ب هێز بۆ کەرتێ گەشتیاری ژبەرکو چەندین پروژەیێن ستراتیژی تێدا هەنە و کو ژ وان ژی دروست کرممنا پروژەیەکێ مەزنە و پلان ژی بۆ هاتیە دارێشتن کو نوکە یٔەو یێ کار ل سەر وی پروژەیی گەشتیاری دکەن ل باژێرێ زاخۆ،یٔەو پروژەیە ژی دکەڤیتە گەلیێ زاخۆ دا و پروژەیەکێ زورێ مودرنە و یٔەو کار دکەن دا کو یٔەو پروژەیە ژ سای پلان و دیزاینێ دەرباز ببیت و ب دانانا وی پروژەیی ژی دێ کارتێکرنەکا یٔەرێنی ل سەر کەرتێ گەشتیاری و هاتنا گەشتیارێن عێراقێ و نافخویی هەبیت بۆ پارێزگەها دهوکێ).

ناڤهاتی ئەو یەک ژی دیار کر جهێن گەشتیاری ل باژێرێ زاخۆ بووینە جهێ مەیدانێ شەرێ سوپایێ تورکیا و پەکەکێ و نێزیکی ٢٥ جهێن گەشتیاری ل دەڤەرێن سنوریێن زاخۆ کەفتیە بەر پێلا شەرێ دناڤبەرا پەکەکێ و سوپایێ تورکیا و وێ چەندێ ژی وەکری یە دەلیڤەیێن کاری کێم ببن و یٔەو داهاتێ بۆ وەلاتیان ژی ژ وان هاڤینگەهان بۆ خەلکەکێ دهات هاتیە برین و هەبونا پەکەکێ و هاتنا سوپایێ تورکیا بۆ وان دەڤەرێن گەشتیاری زیانەکا مەزن بەر ب وەلاتیان کەفتیە.

نها

ئەڤرۆ نیوز، عەلی حاجی:

بەرپرسا کاروبارێن ئاوەرە و پەنابەران ل هەرێمداریا زاخۆ بۆ ئەڤرۆ نیوز دیار کر د سالا بوری دا رێژەیەکا باش ژ ئاوارەیێن ئێزدی ل هەر چار کەمپێن زاخۆ د ئاکنجی بەرەڤ جهێن خوە ڤە چووینە و پشکەکا دیتر ژی پەشیمان بووینە و دووبارە ڤەگەریاینە ڤە دناڤ کەمپان دا .

زێدەتر خەلات ئوسمان گۆت: (ل سالا ٢٠٢٠ێ ب گورەی وان خێزانێن ئاوارە کو دناڤ هەر چار کەمپێن زاخۆ و سەنتەرێ زاخۆ کو ب رێکێن فەرمی داخازا ڤەگەریانێ کرین بۆ جهێن خوە سەرجەمێ گشتی دگەهیتە ٢٩٤٩ خێزانانادناڤ سەنتەرێ زاخۆ ٩٤٩ خێزان و  کو دبنە ١٤ هزار و ٣٨٠ کەس ک ژ وان ژی ٩٤٩ خێزان دناڤ سەنتەرێ قەزا زاخۆ دا و ١٣١٥ خێزان ژ کەمپا چەمشکو و ٣٥٦ خێزان ژ کەمپا بێرسڤ دو و ٢٢٩ خێزان ژ کەمپا بێرسڤ ئێک و ١٠٠ خێزان ژ کەمپا دەرکارێ، ئەڤ هەمی خێزانە ژی پشکەکا وان فەرمانبەر بووینە ل دەڤەرێن خوە یان ژی پشکەکا دی هندەک خزمەتگوزاری ل دەڤەرێن وان هاتینە کرن و پشکەکا دیتر ژی ژبەر کارێ چاندننی و ملکێن خوە ڤەگەریاینە و ئەڤە ژی پشتی وێ یەکێ هات کو حکومەتێ عێراقێ بۆ هەر خێزانەکا ئاوارە ڤەگەریتە دڤەرێن خوە هاریکاری ب سەر وان دا بەلاڤ کرینە و جودا ژ ڤێ رێژەیێ ژی پشکەک ژی ب رێکا داخازیێن فەرمی داخاز کربوون ڤەگەرنە جهێن خوە ڤە بەلێ ژبەریا چوونێ بۆ دەڤەرێن خوە پەشیمان بوون و ڤەنەگەریان جهێن خوە ڤە و هەر دیسان پشکەکا دیتر پشتی ڤەگەریانێ بۆ دەڤەرێن خوە هەر دەما گەهشتین ژی بۆ دەمەکا کێم دووبارە ڤەگەریان کەمپان ڤە) .

ناڤبری گۆت ژی پشکەکا ژ وان کەسێن ب ئێکجاری ڤەگەریاینە دڤەرێن خوە ژبەر هەبونا کورونایێ و گرتنا رێکان دناڤبەرا کوردستانێ و دەڤەرێن شنگالێ و ماددەیێ ١٤٠ ئاریشەیا هاتن و چوونێ بۆ وان دروست دبوو لەورا بریار داینە ب ئێکجاری ڤەگەرنە جهێن خوە ڤە .

ئەڤرۆ نیوز، عەلی حاجی:

بەرپرسێ نڤێسینگەها هەلبژارتنان یا لقا هەشت پارتی دیموکراتی کوردستان بۆ ئەڤرۆ نیوز دیار کر زێدەتری ٢٨ هزار دەنگدەرێن ل دەڤەرێن ماددەیێ ١٤٠ بێ بەهرن ژ کارتا بایومەتری یا دەنگدانێ و ئەڤ کارە ژی ب پلان هاتیە کرن و پێدڤیە ئەڤ بابەتە بهێتە چارەسەر کرن.

زێدەتر عەبدولواحد سلێڤانەیی گۆت: (زێدەتری ٢٨ هزار دەنگدەرێن کو دکەڤنە ل دەڤەرێن ماددەیێ ١٤٠ دا کو پرانیا وان ل موسلن کو ب رەنگەکێ کارتا وان یا بایومەتری یا ل دهوکێ کو دەنگێ خوە ل پارێزگەها دهوکێ ددەن و کارتا وان یا ئازوقەی ژی ل موسلە مافێ دەنگدانێ و کارتا بایومەتری نینە، دشێم بێژم ئەڤ کارە ب مەرەم و پلان ژلایێ حکومەتا عێراقێ ڤە هاتیە کرن و پێدڤیە ئەڤ کێشەیە بهێتە چارەسەر کرن، ژ بەر کو رێژەیەکا زۆر یا خەلکێ ب وی جوری دێ هێنە بێ بەهر کرن ژ کارتا بایومەتری و هەتا نوکە ژی رێک ب وان ناهێتە دان نە ل دهوکێ و نە ژی ل موسل خوە تومار بکەن ب هێجەتا وێ چەندێ کو کارتا وی یا بایومەتری یا دەمکی سەر ب دهوکێ ڤەیە، ژبە ڤێ چەندێ ب رێیا پەرلەمانتارێن مە ل بەغدا و دەزگایێ هەلبژارتنا و رێکخراوێن سڤیل داخواز ژ نەتەوەیێن ئێکگرتی و دادگەها فیدرالی دکەین کو مافێ وان دەنگدەران بهێتە دان و بهێنە تومار کرن و دەنگێ خوە بدەن و ئەڤ بابەتە گەهشتیە دەستێ سەرۆک وەزیرێن عێراقێ مستەفا کازمی ژی بۆ چارەسەر کرنێ) .

ناڤبری گۆت ژی : هەر دیسان نێزیکی ١٣ هزار دەنگدەرێن مە کو ل سالا ٢٠١٣ ب هێجەتا نەبوونا دەمی ژلایێ کومسیونا هەلبژارتنان ل عێراقێ کارتێن وان یێ بایومەتری ب وان نەهاتبوونە دان لەورا د نوکە دا کومسیونا هەلبژارتنان ئەو رێک دایە وان وەلاتیان نوکە دا ل هەر چار بنگەهێن دەنگدانێ ل سنورێ قەزا زاخۆ کارتێن خوە یێن مایومەتری وەربگرن  دا کو پشکداریێ بکەن د هەلبژارتنێن بهێت یێ پەرلەمانێ عێراقێ.

ئەڤرۆ نیوز، عەلی حاجی :

بەرپرسێ راگەهاندنا ساخلەمیا زاخۆ دیار کر خوەشبەختانە پشتی زێدەتری شەش هەیڤان ژ ڤەکرنا دو سەنتەرێن ڤەحەواندنا تووشبوویێن کورونایێ نوکە ئەو سەنتەرە هاتنە ڤالا کرن.

زێدەتر ئەمیر عەلی گۆت: (پشتی زێدەتری شەش هەیڤان ژ ڤەکرنا سەنتەرێن ڤەحەواندنا تووشبوویێن کورونایێ ل نەخوشخانا گشتی و زانکویا زاخۆ بۆ دەما سێ رۆژان هاتیە ڤالا کرن و چو نەخوشەک تێدا نەمایە، د دەما هاتنا کورونایێ دا و هەتا نوکە گەلەک جاران ژبەر زوریا تووشبوویێن کورونایێ جهـ د وان سەنتەران دا نەدما و ژ نەچاری رەوانەی باژێرێ دهوکێ دکرن بەلێ نوکە چو نەخوشەک یان ژی تووشبوویەکێ کورونایێ دناڤ وان هەر دو سەنتەران دا نەمایە و هەر دیسان ژ بەری نوکە ژبەر زوریا نەخوشان گەلەک جاران ئالوزی دروست دبوون و ئێدی رەوش هاتیە گوهورین و بەرەڤ باشتر بوونێ ڤە چوویە).

ناڤهاتی ئەو یەک ژی دیار کر د ماوەیێ ٢٤ دەمژمێرێن بوری دا ب تنێ ئێک حالەتێ کورونایێ ل زاخۆ هاتیە تومار کرن و ئەڤە ژی بۆ پابەندبوونا وەلاتیان ب رێنماێین ساخلەمیێ ڤەدگەریت و پێدڤیە ژی زێدەتر وەلاتی پێگیریێ ب رێنمایێ ساخلەمیێ بکەن و پشت گوهڤە نەهاڤێژن.

ئەڤرۆ نیوز، عەلی حاجی:

د داخۆیانیەكێ‌ دا سەرۆكێ‌ باژێرڤانیا زاخۆ بۆ ئەڤرۆ نیوز دیار كر وان دەست ب هەلمەتەكا بەرفرەه كریە بۆ پاقژكرنا گلێش و بەرمایكێن خانیێن دناڤ سەنتەرێ‌ باژێرێ‌ زاخۆ دا و پێدڤیە خەلك ژی هاریكار بیت بۆ پاقژ راگرتنا باژێری .

زێدەتر ئەندازیار وەلات سەعدی دیار کر بۆ دەما چەند رۆژەكانە باژێرڤانیا زاخۆ ب هەڤكاری دگەل كومپانیا هیزل دبن سەرپەرشتیا راستەوخویا یا من دا دەست ب هەوەكا پاقژكرنێ‌ دناڤ سەنتەرێ‌ باژێرێ‌ زاخۆ دا هاتیە كرن و ئەڤ هەوە ژی هەوەكا بەرفرەهە ب تایبەتی ژی ئەو جهێن گلێش و بەرمایكێن خانیان لێ‌ كوم بووینە و نەهاتینە راكرن، ل دووڤ پلانێ‌ كو ئەو جهێن گلێش لێ‌ كومڤە بوویی تیمێن كومپانیا هیزا رادبن ب راكرنا وی گلێشی و هەر دیسان ئەو جهێ‌ بەرمایكێن خانیان لێ‌ هاتینە هاڤێتن و كومڤە بووین تیمێن مە یێن باژێرڤانیا زاخۆ رادبن ب راكرنا وان بەرمایكان  بەلێ‌ ب مخابنی ڤە خەلكێ‌ مە یێ‌ هاریكار نینە دگەل مە دا دەمێ كو رادبین ب پاقژكرنا جهەكێ‌ دێ‌ بینن رۆژا دووڤ دا ئەو جه دیسان ڤە ژلایێ‌ وەلاتیان ڤە دهێتە پیس كرن و ئەڤە ژی دبیتە ئەگەر كو بارێ‌ مە گرانتر ببیت) .

ناڤهاتی ئەو یەک ژی دیار کر بۆ قوناغا دویێ‌ ژی كو پشتی ناڤ سەنتەرێ‌ باژێری دا ئەڤ هەوە ب دووماهی دهێت دێ‌ ل جهێن كو سەیرانی ب تایبەتی ل وەرزێ‌ بهارێ‌ قەستا وان جهان دكەن وەكو دەڤەرێن بێزهێ‌ و بێتاسێ‌ دێ‌ ژ بەرمایك و گلێشی هێنە پاقژ كرن و ژ بەر كو ئەڤە بۆ دەمەكە درێژە ئەو دەڤەر هاتینە پشتگوه هاڤێتن ب تایبەتی ژی د دەما هاتنا كورونایێ‌ دا.

ئەڤرۆ نیوز، عەلی حاجی:

رێڤەبەرێ‌ چاندنێ‌ ل زاخۆ بۆ ئەڤرۆ نیوز دیار كر ب رێیا رێكخراوەكێ‌ چەندین دەلیڤێن بۆ كچ و كوران هاتینە دیتن كو گرێدایی ب كارێ‌ چاندنێ‌ ڤە یە و هەر دیسان دەست ب هەوەكا بەلاڤكرنا نەمامێن چەندین جورێن فێقی هاتیە كرن .

زێدەتر ئەحمەد سامی گۆت: (نێزیكی 10 جورێن فێقی كو زێدەتری 10 هەتا 12 نەمامێن فێقی كو ب بهایەكێ‌ كێمتر ژ بازاری ب سەر جوتیاران دا دهێتە بەلاڤ كرن كو ب رەنگەكێ‌ جوتیار بشێت مفایی ژ وان نەمامان ببینیت كو ب كوالێتیەكا باش و هەكە ئەو بەرهەمە بهێتە چاندن دێ‌ قەبارەیەكێ‌ باش ئەو بەرهەمە كەڤیتە د بازاری دا و هەر دیسان ب رێیا رێكخراوەكا بیانی چەندین دەلیڤێن كاری بۆ زێدەتری 45 كەسان ژ كچ و كوران ڤەدیتیە كو ب رێیا وان دەلیڤێن كاری ژی دێ‌ چاوانیا فێربوونا كاری دگەل داران كو هەتا دگەهیتە فروتنێ‌ و ئەو كارە ژی ل باغداریا زاخۆ دهێتە كرن) .

ناڤبری دیار ژی کر هەر دیسان ب هەماهەنگی دگەل كومپانیەكا دەرئینانا نەفتێ‌ ل زاخۆ رابوویە ب كڕین و دابینكرنا چار ئامیرەیێن سەردەم بۆ كێلانا ئەردی كو ب رێیا رێڤەبەریا مە ئەو ئامیرە ب جوتیاران دهێتە دان بۆ كێلانا ئەردێ‌ گەنمی و ئەڤە ژی وەكو هاریكاریەكا باشە دگەل جوتیاران دهێتە كرن.

ئەڤرۆ نیوز، عەلی حاجی:

رێڤەبەرێ گشتیێ پەروەردا پارێزگەها دهوکێ بۆ ئەڤرۆ نیوز دیار کر گوهورین د هەمی رێڤەبەرییێن پەروەردەیێ یێ سەر ب پارێزگەها دهوکێ دا هاتینە کرن و دووماهی گهورین ژی ل رێڤەبەریا پەروەردا زاخۆ بوو .

زێدەتر عومەر عومەر گۆت: (د بەردەوامیا وان گوهورینێن ب سەر پوستێن رێڤەبەرێژ پەروەردێ ل پارێزگەها دهوکێ دا هاتینە کرن هەتا نوکە ١٠ رێڤەبەرێن پەروەردەیان ل پارێزگەها دهوکێ هاتینە ئەنجام دان و دووماهی گوهورین ژی رێڤەبەرێ پەروەردا زاخۆ بوو، ئەڤ گوهورینێن هاتینە ئەنجام دان کو پرانیا وان ژی پشتی چار سالێن کارکرنێ یان ژی پتر بوون یا وان رێڤەبەرێن هاتینە کرن و ل دویف بریارا حکومەتێ ئەو گوهورین هاتینە ئەنجام دان ژ بەر کو بریار بوو هەر رێڤەبەرەکێ دەمێ خوە یێ یاسایی دەرباز کری گوهورین د پوستێ وی دا بهێتە کرن و گوهورین ژی وەکو پێدڤی هاتنە کرن د کەرتێ پەروەردێ دا ل پارێزگەها دهوکێ).

ئەڤرۆ نیوز، عەلی حاجی:

رێڤەبەرێ ناحیا رزگاری د داخویانیەکێ دا بۆ ئەڤرۆ نیوز دیار کر ب شێوەیەکێ باش کار د دروست کرنا جاددەیا ژ ناحیا رزگاری بۆ زاخۆ هاتیە کرن و هەکە کار ب ڤی رەنگی بەردەوام بیت ژبەریا دەمێ دەست نیشان کری دێ کار تێدا ب دوماهی هێت .

زێدەتر سەروەر سەعید گۆت: (هەتا نوکە ب شێوەیەکێ گەلەک باش کار د دروست کرنا سایدێ ژ ناحیا رزگاری بۆ زاخۆ دهێتە کرن و ٥٠٪ ژی کار دروست کرنا وێ جاددەیێ دا هاتیە کرن و ب دوماهی هاتیە و بتنێ ٥٠٪ مایە کار د وێ جاددەیێ دا نەهاتیە کرن،کومپانی ب شەڤ و رۆژ کار دکەت پێخەمەتی وێ چەندێ کو د زووترین دەم دا کار ب دوماهی بهێت،هەکە هاتنا بارانێ نەبیتە ئەگەر کومپانی ب ئێکجاری کارێ خوە ناراوەستینیت و هەکە کار ب ڤی رەنگی بەردەوام بیت دێ ژبەریا دەمێ خوە یێ دەست نیشان کری دا کار ب دوماهی هێت و کەڤیتە د خزمەتا وەلاتیان دا،هەتا نوکە نێزیکی دوو – سێ کێلومەتران ب قاتەکێ قیری ئەو سایدە هاتیە قیر کرن و قیرکرنا وێ جاددەیێ ژی بەردەوامە).

ناڤبری ئەو ئەو یەک ژی دیار کر کو ئەو جاددەیە هاتیە بەرفرەهکرن و هەتا پیادە ژی دێ بۆ جاددەیێ هێتە دانان و هەتا نوکە ژی بێ کێشە کار د وی پروژەیی دا هێتە کرن و ئەم ب هێڤی نە ب زووترین دەم دا ئەو جاددەیە ب دووماهی بهێت.

ئەڤرۆ نیوز، عەلی حاجی:

ل دویف وان پێزانینێن باوەرپێکری ب دەست ئەڤرۆ نیوز کەفتین گوهورین دێ د پوستێ سەروکاتیا باژێرڤانیا زاخۆ دا هێتە کرن و ئەندازیارەک ژ خەلکێ زاخۆ دێ وی پوستی وەرگریت.

هەر ل دویف پێزانینان ل دویف بەرنامەیێ گهورینان کو هاتیە دارێشتن، ئەندازیار وەلات سەعدی دێ ل جهێ سەروکێ باژێرڤانیا زاخۆ بژار مونیبی دەست ب کار بیت وەکو سەروکێ باژێرڤانیێ و بریارە د دەمەکێ نێزیک دا ئەو گوهورین بکەڤنە بوارێ جێبەجێ کرنێ دا و سەرۆکێ نوو ژی دەست ب کاری بیت.

website security
WP Facebook Auto Publish Powered By : XYZScripts.com