ئاگر بەربوو ترۆمبێلەکا بارهەلگر
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویا کرن: د روودانەکا ترافیکێ ترۆمبێلەکا بارهەلگر سۆت.
ناڤهاتی زێدەتر دیار کر: ئەڤرۆ ئێکشەمبی 2020/2/23 ل دەمژمێر 10:30سپێدی ل سەر جادا سێمێل_دهۆک و ل پرا ئالۆکا دو ترۆمبێلان لێکدا، کو ئێك ژ وان ژ جۆرێ بارهەلگر بوویە، یا دیتر ژی ژ جۆرێ مارسیدس بوویە، پشتی لێکدانێ ئاگر بەربوویە ترۆمبێلا بارهەلگر و سۆت، چ زیانێن گیانی نەبوون، لێ زیانێن مادی ب هەردو ترۆمبێلان کەفتن.