ئسرائيل رێ دا هه‌ر كه‌سێ بڤێت ل مزگه‌فتا قودسێ نڤێژا ئه‌ينيێ بكه‌ت
ئه‌ڤرۆ نيوز:
پۆليسێن ئسرائيل بۆ حه‌فتيا دويێ ل دووڤ ئێك رێ دا كو ژ هه‌موو ژيان پشكدارى نڤێژا ئه‌ينيێ بن ل مزگه‌فتا قودسێ، پشتى روونشتێن به‌رده‌وامێن وه‌زيرێ ژ ده‌رڤه يێ ئه‌مريكا جون كيرى ل گه‌ل هه‌ر ئێك ژ مه‌لكێ ئوردن و سه‌رۆكێ فه‌له‌ستين و سه‌رۆك وه‌زيرێ ئسرائيل بوو.
رۆژا پێنجشه‌مبى پۆليسێن ئسرائيل راگه‌هاند كو ئه‌و رێگريێ ل گه‌نجێن فه‌له‌ستينى ناكه‌ن پشكدارى نڤێژا ئه‌ينيێ ل مزگه‌فتا قودسێ ببن بۆ حه‌فتيا دويێ ل دووڤ ئێك پشتى بۆ ماوه‌كێ درێژ ژ ئه‌گه‌رێ دودليا په‌يدابوونا شه‌رى رێگرى لێ دكر.
مه‌لك عه‌بدولايێ دويێ مه‌لكێ ئوردنێ ل ده‌مێ پێشوازيكرنێ ل سه‌رۆكێ فه‌لستين مه‌حمود عه‌باس ئاشكه‌را كر كو ئه‌و هه‌موو ده‌ستدرێژيێن ئسرائيل قه‌بوول ناكه‌ن ب تايبه‌ت هه‌مبه‌ر رێگريێ ل مزگه‌فتا قودسێ و وه‌زيرێ ده‌رڤه يێ ئه‌مريكا ژى ل ده‌مێ كۆمبوونا ل گه‌ل سه‌رۆك وه‌زيرێ ئسرائيل و مه‌لكێ ئوردن و سه‌رۆكێ فه‌له‌ستين راگه‌هاند بوو كو كو رێيێن ئسرائيل گرتينه به‌ر گه‌له‌ك د دژوارن.
