ئـابـوور، سیاسەت، بەرژەوەندی
خالد ئەحمەد بادی
2 – 2
دەمێ ئیمپراتۆریەتا ئوسمانی كەفتی و نەمایی ئێكسەر هەمی نەفتا وان كەفتە دەستێ ئەمریكا و بریتانیا ڤە, دوماهیك سەد سالێن ژیێ جیهانێ ب تنێ كۆمپانییان دەستهەلات یێ گێرای ل جیهانێ و نوكە هەر ئەو سیناریۆ یا نوی دبیتە ڤە ب رێژەكا (80%) كو رێژەكا بلندە ئەڤە دێ بیتە شەنگستەكێ ب هێز لێ ل ڤان سەردەمان بتنێ كۆمپانی یێ دەستهەلاتی ل پتریا وەلاتێن جیهانی دكەن, ئەرێ گەلۆ ما نە بابك ئانكو توخمێ حوكمران توخمێ شاه بوون دەستهەلات دگێرا كو هەتا نوكە ژی سیستەمێ مەلەكی ل زۆر وەلاتێن جیهانێ مایە كو دەستهەلات ل جیهانێ دگێرا و كۆمپانییا حوكم دەستهەلات ل وان تۆخمێ میر و شاهان دكر, ب كورتی نوكە دیندەها پاشایان (السلالە الملكیە) دەستهەلاتی ل كۆمپانییان دكەت و كۆمپانی حوكمی دەستهەلاتی ل وەلاتان دكەن, ل دەمێن كەڤنار ل بەریكێ دەولەتا دیندەهان پاشایان چێدكرن و نوكە خێزانێن دەستهەلاتدار یێ دەولەتان چێدكەن, پتریا وان یێ حوكمی ل جیهانێ و دەولەتێن وان دكەن ب تایبەت ل رۆژهەلاتا ناڤەراست دبێژی یێ منەتەكێ لێ دكەت كو یێ حوكمی لێ دكەت, دەمێ دەستهەلاتدار ل وەلاتێن گەندەلی تێدا بەربەلاڤ یان ژی ل وەلاتێن رەوشەنبیریەت ل ناڤدا نەبیت دەمێ پرۆژەكێ بچویك ڤە دكەن دێ ب بهایێ ژوی پرۆژەیی پتر راگەهاندنێ و هەروەسا خوارن و ڤەخوارنان ل وی جهی ئامادە كەن، لێ ئەڤە یا دویرە ژ تیتال و سیستەمان چونكو ئەمانەتە ئەی دەستهەلاتدار و تو دێ كەیی چونكو كارێ تەیە و چ منەتا لێ ناكەیی و یا راست و دروست دەمێ خۆدێ ژێ رازی بابێ روحی یێ نەتەوا كورد و سیمبۆلا گەلێ كورد ل تەڤایا جیهانێ مەلا مستەفا بارزانی گۆتبوو (ئەم نە دەستهەلاتدارین لسەر مللەتێ كورد بەلكو ئەم خزمەتكارێن خەلكێ خوینە), نوكە ل ڤی سەردەمی یێ دەستهەلاتی دگێریت پتریا وان خۆدان پارە و سامان و كۆمپانی و..هتد. یە و یێ بێ پارە بیت چ جاران دەستهەلات نا گەهیتێ ئەگەر چەند یێ شارەزا و خۆدان سەربوور و خۆدان باوەرنامەیێن بلند بن, مخابن ل پتریا وەلاتێن جیهانێ وەسایە كو هندەك جاران بۆ مە بێ ئۆمێدی ژ ژیانێ دروست دبیت كو ب راستی ئەڤ نەدادپەروەری یا ل جیهانێ هەیی, كو دبێژن ئەمریكا قییما دیموكراتیەت و دادپەروەریێ یە، لێ مخابن بۆ نموونە دۆنالد ترامپ بازرگانەكێ بەرچاڤ و دیارە یێ هاتی ب تنێ یێ بازرگانیێ دكەت. هەر ئاخفتنەك ئاختفنەكێ دكێشیت چونكو ل دەمێ تو باس ل بازرگانی دارایی سیاسەتێ دكەی، بێ چ گومان گرێدانەك پێكڤە هەیە، چونكو چاوا هەرسێ پەیڤێن جیهانی یێن ل سەری ڤە دیاركرین گرێدانەك پێكڤە هەنە, ب ڤی رەنگی راكرن و گوهۆرینا دەستهەلاتداران هەیە، وەسا دیارە دانانا دەولەت و دەستهەلاتداران ژی گرێدان ب ڤێ پرسێ ڤە هەیە, ئەڤ درووشمێن دهێنە گۆتن، ئێكەتیا دەڤەران ئێكگرتنا ناڤچەیان و دەستپاكی زانا و شارەزا و دلسۆز، هەر دبیت چ شەنگەستە بۆ نەبن, یا گرنگ ل سەر مە ئەركە ئەم هەر خزمەتا گەلێ كورد و كورستانا خۆشتڤی بكەین، چونكو مافەكێ رەوایە ل سەر هەر تاكەكێ كورد كو خزمەتا كورد و كوردستانێ بكەت. كو كورد بشیێن ئابوورەكێ ب هێز و بازرگانیەكا مفادار و سیاسەتەكا حەكیمانە بۆ گەل و وەلاتی پەیرەو بكەین.
