ئنگلتەرا سوپرایزەک بۆ کرواتیا چێکر
ئەڤرۆ نیوز:
بەری دەمەکێ کێم یاریا د ناڤبەرا ھەلبژارتیێ ئنگلتەرا و کرواتیا ب سەرکەفتنا ئنگلتەرا ب دووماھی ھات ب دو گۆلان بەرامبەر گۆلەکێ ژ چارڤوڤێ یاریێن کوما شەشێ دا د وێ یاریێ دا ئەوا ل یاریگەھا وێمبلی ل لەندەن ھاتیە کرن.
د یاریەکا بھێز و پری ھەڤرکی ناڤبەرا ھەردو ھەلبژارتیێن ئنگلتەرا و کرواتیا ھاتیە کرن د نیڤا ئێکێ یا ڤێ یاریێ بێ گۆل ب دووماھی ھات.
د نیڤا دویێ دا کرواتیا شیا گۆلا ئێکێ توماربکەت ل خولەکا ٥٧ ژلایێ یاریزان ئەندریچ کریماریچ، لێ پشتی ڤێ گۆلێ ھەلبژارتیێ ئنگلتەرا ب ھێز خوە نیشان دا و شیان دو گۆلان توماربکەت ل خولەکێن ٧٨ و ٨٥ ژلایێ یاریزانێن جێمس لینگارد و ھاری کین ب ڤی ئەنجامی یاری ب سەرکەفتنا ئنگلتەرا ب دو گۆلان بەرامبەر گۆلەکێ ب دووماھی ھات.