ئه‌ردۆگان: دڤێت شه‌رڤانێن كورد ژ ده‌رڤه‌ی ئاگربه‌ستا سوریا بن
ئه‌ڤرۆ نیوز: ڤه‌ده‌ر ره‌شاڤایی:
ره‌جه‌ب ته‌ییب ئه‌ردۆگان سه‌رۆكێ توركیا گۆت كو پێدڤییه شه‌رڤانێن كورد ژ ده‌رڤه‌ی چارچووڤێ ئاگربه‌ستا سوریا بن كو ل به‌ره ل 27 ڤێ مه‌هێ بهێته بجهئینان .
ئه‌ردۆگان ئاگربه‌ست ب گاڤه‌كا باش زانی لێ گۆت ژی: په‌یه‌دێ و یه‌په‌گێ وه‌كی داعش و به‌ره‌یا نوسره تیرۆرستن و نابیت ئاگربه‌ست ژ وان بگریت”
توركیا ئه‌نداما ناتۆ دگه‌ل هه‌ڤپه‌یمانا خوه یا ئه‌مریكا جیاوازی هه‌یه د سه‌ره‌ده‌ریكرنێ دا دگه‌ل یه‌په‌گێ، لێ ل دووڤ گۆتنا ئه‌ردۆگان ئه‌ڤ مژار مژارا مانێ یه بۆ توركیا و یا گرنگه ئه‌مریكا ڤئ یه‌كێ بزانیت و پشته‌ڤانییا یه‌په‌گێ نه‌كه‌ت.
ئاگربه‌ستا سوریا كو ده‌شتپێشخه‌رییه‌كا رووسی و ئه‌مریكی یه، رژێما سوریا و ئۆپۆزسیۆنا سوری بخوه‌ڤه دگریت، هه‌ر ئێك ژ به‌ره‌یا نوسره و داعش و گرۆپێن دی یێن تیرۆری بخوه‌ڤه ناگریت.
