ئه‌ركێ ئه‌شبيليا يێ ب زه‌حمه‌ته و ناپۆلى ژى بۆ فينالێ
ئەڤرۆ:
یانا ئەشبیلیا ھەلگرا ناسناڤێ خولا یانێن ئوروپا یا ناسیار ب یورپا لیگا دێ کەڤیتە ل ھەمبەر ئەرکەکێ ب زەحمەت دەمێ مێڤانداریا یانا فیورنتینا یا ئیتالی دکەت ئەف شەڤە د یاریا ئێکێ یا قوناغا پێش دووماھیا خولا ئوروپی دا و ل بەرامبەر نوونەرا دویێ یا ئیتالی یانا ناپولی بەربژارە بو گەھشتن ب یاریا دووماھیێ بو جارا ئێکێ پشتی سەردەمێ یاریکەرێ ئەرژەنتینی دیگو مارادونای ئەوژی دەمێ مێڤانداریا یانا دنبروبتروفسک یا ئوکرانی دکەت.
ل یاریگەھا رامون سانشێس بیسخوان یانا ئەشبیلیا یا ب ھیڤی یە مفای ژ یاریگەە و جەماوەرێ خوە بینت داکو نیڤا رێکێ بەر ب دەربازبونێ بو جارا دویێ بو یاریا دووماھیێ ل دووڤ ئێک ب ھاڤێژیت و بزاڤێن برنا ناسناڤی بکەت بو جارا چارێ پشتی سالێت ٢٠٠٦ و ٢٠٠٧ و ٢٠١٤ و ببیتە ھەلکرا نمرا پیڤای ئەوا ھەتا نوکە وێ و یوڤانتوس و میلان و لێڤەرپول ھەر ئێکێ سێ جاران برین و دیسان ببیتە یانا ئێکێ پاراستنێ ل سەر ناسناڤی بکەت پشتی سیستەم ل سالا ٢٠١٠ ھاتیە گوھارتن.
یانا ئسپانی ئەوا شیانێن یاریکەرێ خوە یێ ھێلا بەرەڤانی نیکو باریخا د یاریا بوری دا ژ دەست داین یا ب ئومێدە پاراستنێ ل سەر سەرکەفتنێن خوە بکەت ل ناڤا جەماوەرێ کو بەری نوکە د ھەشت یاریێن ڤی وەرزی دا ب سەرکەفتیە و ھەتا نوکە د دیروکا پشکداریێن خوەدا چەندی ئەف یانە گەھشتیە قوناغا پێش دووماھیێ دەست ڤالا خاتر نەخواستیە و ناسناڤ برینە، لێ سەرەرای ڤێ چەندێ ئەرکێ وێ یێ ب ساناھی نابیت ل ھەمبەر یانا ئیتالی ئەوا ستێرا بەرێ یا یانا روما فینشنزو مونتێلا سەرپەرشتیا راھێنانێن ڤێ دکەت و ڤێ یانێ ژ دەرڤەی یاریگەھا خوە ئاستێن باش نیشان ددەت و ھەتا نوکە ژ سەرجەمێ ١٢ یاریان توشی خوسارەتیێ نەبویە و دیسان مورالا یاریکەرێن یانا ئسپانی ژی د نەباشن پشتی ل شەمبیا بوری د گەل ریال مەدرید توشی خوسارەتیێ بوی د خولا ئسپانیا دا بەروڤاژی یانا فیورنتینا شیایە ھەڤسەنگیێ دروست بکەت پشتی چار خوسارەتیان ل دووڤ ئێک ب سەرکەفتییە د ڤێ حەفتیا خولا ئیتالیا دا و ھیڤیێن خوە بو پشکداریا خولا ئوروپا ھەتا رادەکی گەشکرینە.
ژلایەکێ دووڤە ھەکە یانا دویێ یا ئیتالی ناپولی شیا ژ یانا دنبرو یا ئوکرانی دەربازبیت و ئەشبیلیا ژی نەبوو ئاستەنگ ل ھەمبەر فیورنتینا ئەڤە دێ بیتە جارا ئێکێ یاریا دووماھیا ڤێ خولێ د ناڤبەرا دو یانێن ئیتالی بھێتە کرن پشتی یاریا دووماھیا قارەمانیا ئوروپا ل ٢٠٠٣ دەمێ میلان ب سەرکەفتی ل سەر یوڤانتوس و یانا ناپولی دێ ھێزا وێ د شارەزایا راھێنەرێ وێ بینیتیز دابیت ئەوێ ل سالا ٢٠٠٤ ڤانسیا بەر ب ناسناڤی قارەمانیا ئوروپا بری و بەری ناسناڤی ل گەل یانا لێڤەرپول یا ئێنگلیزی بەت ل سالا دووڤدا و قارەمانیا ئوروپی ل ٢٠١٣.
یانا ناپولی ژ ١٢ یاریێن بوری ل ناڤی جەماوەرێ خوە توشی خوسارەتیێ نەبویە.
