ئه‌رژه‌نتین خوه قورتال كر
ئه‌ڤرۆ نیوز:
هه‌لبژارتیێ ئه‌رژه‌نتین ب زه‌حمه‌ته‌كا مه‌زن دیت هه‌تا شیاى ده‌ربازى قوناغا شازدێ بیت ژ موندیالا روسیا پشتى سه‌ركه‌فتن لسه‌ر هه‌لبژارتیێ نه‌یجیریا توماركرى ب دو گۆلان به‌رامبه‌ر گۆله‌كێ و كرواتیا ژى وه‌ك قاره‌مانا ڤێ كومێ ده‌ربازى هه‌مان قوناغ بوو.
د یاریا ئه‌رژه‌نتین دا مێسى شیا زیكا گۆلا پێشكه‌فتنێ د نیڤا ئێكێ دا توماربكه‌ت ده‌قیقه‌یا 14 لێ د نیڤا دویێ دا نه‌یجیریا شیا گۆلا وه‌كهه‌ڤیێ ل ده‌قیقه‌یا 56 توماربكه‌ت لێ به‌رى یارى ب دوماهى بهێت روغو شیا گۆلا دویێ و یا سه‌ركه‌فتنێ توماربكه‌ت و ئه‌رژه‌نتین ده‌ربازى قوناغا شازدێ بوو و دێ یاریا خوه هه‌مبه‌ر هه‌لبژارتیێ فره‌نسا كه‌ت.
ژلایێ خوه ڤه هه‌لبژارتیێ كرواتیا شیا سه‌ركه‌فتنا سیێ ل دووڤ ئێك توماربكه‌ت ڤێ جارێ ژى ل سه‌ر هه‌لبژارتیێ ئایسله‌ندا ب دو گۆلان به‌رامبه‌ر گۆله‌كێ و شیا بیته سه‌ركێشا ڤێ كومێ ب 9 خالان و دێ یاریا خوه یا قوناغا شازدێ هه‌مبه‌ر دنیمارك كه‌ت.
