NO IORG
نووترين نووچه
Twitter

سه‌رۆك مه‌سعود بارزانى دوهى ل سه‌لاحه‌ددین پێشوازی ل شانده‌كێ كۆربه‌ندا بحرالعلوم ب سه‌رۆكاتیا د. ئیبراهیم بحر العلوم كر.
د دیداره‌كێ دا دانوستاندن ده‌رباره‌ی گرنگیا بهێزكرن و گه‌شه‌پێدانا كولتووری و پێكڤه‌ژیان و پرنسیپێن دیالۆگێ بۆ چاره‌سه‌ركرنا ئاریشان هاتنه‌ كرن.
ژ لایێ خوه‌ ڤه‌ شاندێ مێهڤان ئاماژه‌ دا په‌یوه‌ندیێن دیرۆكى د ناڤبه‌را سه‌رۆك مه‌سعود بارزانى و كه‌ساتیا مه‌زنا عیراقێ خودێ ژێ رازى محه‌ممه‌د به‌حرولعلوم دا، پێزانینین خوه‌ بۆ رۆلێ دیرۆكى یێ سه‌رۆك بارزانى بۆ گه‌شه‌پێدانا كولتووری و پێكڤه‌ژیان و بنه‌مایێن دیالۆگێ بۆ چاره‌سه‌ركرنا ئاریشان هاتنه‌ كرن، كو سه‌رۆك بارزانى وه‌ك سه‌ركرده‌كێ دیرۆكى و مه‌رجه‌عێ سیاسى رۆلێ خوه‌ د چاره‌سه‌ركرنا ئاریشان دا ببینیت.
هه‌ر د وێ دیدارێ دا دانوستاندن ل دۆر ره‌وشا سیاسیا عیراقێ و پێشهات و گوهۆرینان كرن، ده‌رباره‌یى ئاریشێن د ناڤبه‌را هه‌رێما كوردستانێ و حوكمه‌تا فیدرالا عیراقێ دا، دوپاتى ل سه‌ر دیالوگا هه‌موو ئالیان ل سه‌ر بنه‌مایێن دستوورى هاته‌ كرن.
هه‌ر دوهى سه‌رۆك بارزانى پێشوازی ل ماتیۆ توله‌ر، بالیۆزێ ئه‌مریكا ل عیراقێ كر و د دیداره‌كێ دا ره‌وشا سیاسى یا عیراقێ و دووماهى گوهۆڕین و پێشهاتێن ناڤ پرۆسا سیاسى یا عیراقێ گه‌نگشه‌ كرن.

مه‌سرور بارزانی، سه‌رۆكێ حكومه‌تا هه‌رێما كوردستانێ دوهى پێشوازی ل ماتیۆ توله‌ر، بالیۆزێ ئه‌مریكا ل عیراقێ كر و د كۆمبوونه‌كێ دا دووماهى پێشهاتێن عیراقێ و په‌یوه‌ندیێن هه‌رێما كوردستانێ و ئه‌مریكا گه‌نگه‌شه‌ كرن.

بالیۆزێ ئه‌مریكا ل عیراقێ، دوپاتی ل سه‌ر دیالۆگا ستراتیجی یا ئه‌مریكی عیراقی كر و ئاماژه‌ كر كو ئه‌مریكا دێ د چارچۆڤێ هێزێن هه‌ڤپه‌یمانان دا به‌رده‌وام بیت ل سه‌ر پشته‌ڤانیا سوپایێ عیراقێ و پێشمه‌رگه‌ی د به‌رهنگاریا گه‌فێن داعشێ دا.
ماتیۆ تۆله‌ر، په‌سنا چاكسازیێن حكومه‌تا هه‌رێما كوردستانێ ژی كر ب تایبه‌ت، گاڤێن چاكسازیێ ل وه‌زاره‌تا پێشمه‌رگه‌ى.
سه‌رۆكێ حكومه‌تێ ژی ژ ئالیێ خوه‌ ڤه‌ سوپاسی و پشته‌ڤانیا بالیۆزێ ئه‌مریكا كر د په‌سه‌ندكرنا قانوونا بودحێ دا و دوپات كر، حكومه‌تا هه‌رێمێ دێ پێگیر بیت ب بجهئینانا قانوونا بودجێ دا و داخواز ژی كر، حكومه‌تا فیدرال ئه‌ركێن خوه‌ ل هه‌مبه‌ر هه‌رێما كوردستانێ د چارچۆڤێ قانوونا بودجێ دا بجهبینیت.
هه‌ر دوهى مه‌سرور بارزانى پێشوازی ل شانده‌كێ كۆربه‌ندا بحرالعلوم ب سه‌رۆكاتیا د. ئیبراهیم بحرالعلوم و د دیداره‌كێ دا سه‌رۆكێ حكومه‌تێ دوپات كر، كو هه‌رێما كوردستانێ هه‌رده‌م ل گه‌ل ئه‌وێ چه‌ندێ بوویه‌ كێشێن د ناڤبه‌را هه‌رێما كوردستانێ و حكومه‌تا فیدراڵی دا، ب رێیا دانوستاندن و دیالۆگێ، ب شێوه‌كێ بنه‌ره‌تی و ل سه‌ر بنه‌مایێ دستوورى بهێنه‌ چاره‌سه‌ر كرن.

سه‌رۆك مه‌سعود بارزانى ئەڤرۆ ل سه‌لاحه‌دین ل گه‌ل ئه‌حمه‌د ئه‌بولغه‌یت ئه‌میندارى گشتى یێ كۆمكارا عه‌ره‌بى و شاندێ د گه‌ل دا كۆمبوو.

د دیداره‌كێ دا، ئه‌میندارێ گشتى یێ كۆمارا عه‌ره‌بى ئارمانجا سه‌ره‌دانا خوه‌ بۆ عیراق و دیدارا ل گه‌ل سه‌رۆكاتیا عیراقێ بۆ سه‌رۆك بارزانى به‌رچاڤكر، هیڤیا وێ چه‌ندێ ژى خواست كو عیراق بشێت دوور ژ ده‌ستێوه‌ردانێن ده‌رڤه‌ به‌ر ب سه‌قامگیریێ گاڤان بهاڤێت و دوپاتى ژى ل گرنگیا په‌یوه‌ندیان د ناڤبه‌را وه‌لاتێن عه‌ره‌بى و عیراقێ كر.
هه‌ر د وێ دیدارێ دا هه‌ردو ئالیان هزروبیر ل دۆر هه‌ڤڕكیێن ل هه‌مبه‌ر پرۆسا سیاسى یا عیراقێ و پێكڤه‌ژیان و پێدڤیا چه‌سپاندنا بنه‌مایێن شه‌راكه‌تێ ل عیراقێ ل هه‌ڤه‌ گوهارتن.
هه‌ر دوهى مه‌سرور بارزانى پێشوازى ل ئه‌حمه‌د ئه‌بولغه‌یت ئه‌میندارێ گشتى یێ كۆمكارا عه‌ره‌بى كر و د دیداره‌كێ دا راگه‌هاند، هیڤیدارم كۆمارا عه‌ره‌بى رۆلێ خوه‌ د چاره‌سه‌ركرنا كێشێن عیراقێ دا بگێڕیت.

تايبه‌ت، نه‌ورزاد هلورى

برياره‌ ده‌مژمێر 11 جڤاتا پارێزگه‌ها دهۆك ده‌نگى ل سه‌ر گوهۆرينا چه‌ند به‌ربژێران بۆ پۆستێن قايمقام و ناحيێن سنورێ پارێزگه‌ها دهۆك بكه‌ت كو ل دووڤ پێزانينێن ئه‌ڤرۆ نيوز:

1- ئيدريس محمد دێ بيته‌ رێڤه‌به‌رێ ناحيا زاويته‌

2- رزگار عبيد دێ بيته‌ رێڤه‌به‌رێ ناحيا شێلادزێ

3- بريندار حيدر دێ بيته‌ رێڤه‌به‌رێ ناحيا مانگێشك

4- وارشين سلێمان دێ بيته‌ قايمقامێ ئامێديێ

5- مشير محمد دێ بيته‌ قايمقامێ زاخۆ

5- منهل موفق دێ بيته‌ رێڤه‌به‌رێ ناحيا بجێل

ئەڤرۆ نیوز،عەلی حاجی :

چاڤدێریا بازرگانی ل زاخۆ ب هەڤکاری دگەل تیمێن قایممقامیا زاخۆ د ماوەیێ هەیڤا سێ دا شیاینە زێدەتری ١١ تەنێن هشک و زێدەتری ١٨ تەنێن کەرەستەیێن روون دەست ب سەر دا بگرن و ژناڤ ببەن و ٢١٥ پاکێتێن مێلاکا تورکی و ٤٠ دانە لێزەرێ قەدەغەکری ژناڤ ببەن و حەفت جهان دائێخن و شەش جهان ژی سزا بدەن و ١٥ تەنێن ئارێ بەلاڤکرنێ بۆ ناڤخویا دەڤەرا زاخۆ ڤەگەرینن و کوژمێ گشتیێ سزادانان گەهشتە ملیونەک و ٧٥٠ هزار دینارێن عێراقی.

ئەڤرۆ:

پشتی شاندێ ھەرێما کوردستانێ و لایەنێن شیعی ل سەردەقەکێ ھەڤپشک رێککەفتین، بەلێ پاشی لایەنێن شیعی گوھۆرین د دەقێ مادێ ١١ یێ پرۆژێ قانوونا بودجەیدا کر و چەند برگەک لێ زێدەکرن، ئەو برگەیێن لایەنێن شیعی د پرۆژێ قانوونا بودجەیدا زێدەکرین ئاماژێ ب وێ چەندێ دکەن ئەگەرھەرێما کوردستانێ پێگیرنەبیت ب رێککەفتنێ، ھیچ بودجەک ژ عیراقێ بۆھەرێمێ ناھێتە ھنارتن.

ئەحمەدسەفار، بریاردەرێ لژنا دارایی ل جڤاتا نوونەرێن عیراقێ گۆت” گیروبوونا پەسەندکرنا بودجا گشتی یا عیراقێ بۆ سالا ٢٠٢١ پەیوەندی ب ھەرێما کوردستانێڤە نینە، بەلکو پەیوەندی ب لایەنێن شیعی و حوکمەتا فیدرالڤەھەیە”.

گۆت ژی” لایەنێن شیعی ناخوازن بودجە بھێتە پەسەندکرن”.

ژلایێ خوەڤە، سامان سۆرانی، چاڤدێری سیاسی، دبێژیت” نێزیکی پێنج ھەیڤایە پرۆژێ قانوونا بودجەی ل جڤاتا نوونەرایە و ژبەر ململانێیا لایەنێن شیعی و چەندین ئەگەرێن دی، ناھێتە دەربازکرن”.

ل دۆرھۆکارەکێ پەسەندنەکرنا پرۆژێ قانوونا بودجەی، راگەھاند” لایەنێن عەرەبێن شیعی ب تایبەت ئەوێن میلیشیا ھەین، رێیێن جۆراوجۆر بۆ پاشخستن و دروستکرنا ئاستەنگان بۆ پەسەندکرنا پرۆژێقا نوونا بودجەی دگرنەبەر”.

ب دیتنا وی چاڤدێری، ئەولایەنێن شیعی ب پشتەڤانیا وەلاتەکێ جیران، دخوازن جڤاتا نوونەران ب پرۆژێ قانوونا بودجەی ڤە مژوولبکەن و رێ ل ھەلبژارتنێن پێشوەخت بگرن”.

دیارکر” شیعە ب مژوولکرنا گەلێ عیراقێ ب پشکا بودجێ ھەرێماکوردستانێ، شکەستنا خوە ل باشوور و ناڤەراستاعیراقێ ڤەدشێرن، د دەمەکیدا وان ب رێژا ھەرەزۆرینەیا بودجەی، نەشیاینە خزمەتا باژێرێن باشوورێ عیراقێ بکەن”.

ناڤبری ئەگەرەکێ دی یێ پەسەندنەکرنا پرۆژێ قانوونا بودجەی بۆرێک نەکەفتنا لایەنێن عەرەبێن شیعی ( ل سەرپشکێن خوە) د پرۆژێ قانوونێدا زڤراند، کوھەرئێک ژ وان لایەنان بزاڤان دکەت بەھراپتر بۆ خوە ببەت.

بریاربوو دوھی شەمبیێ ٢٧/٣/٢٠٢١ جڤاتا نوونەرێن عیراقێ بۆ دەنگدانێ ل سەرپرۆژێ قانوونا بودجەی کۆمببیت، بەلێ کۆمبوون بۆ ئەڤرۆ ئێکشەمبی ھاتەپاشخستن.

ئەڤرۆ:

پارێزگەرێ بەرێ یێ نەینەواراگەھاند، ھەلویستێ میلیشیێن چەکدار گەلەک ژ ھەلویستێ مستەفا کازمی سەرۆک وەزیرێن عیراقێ ب ھێزترە، ھەروەسا دیارکر ژی کو ھێزا راستەقینە ژی ل جڤاتا نوونەرێن عیراقێ، ھێزامیلیشیایە.

ئەسیل نوجێفی، پارێزگەرێ بەرێ یێ نەینەوا، سەبارەت رەوشا بەغدا و نمایشا چەکداری یا میلیشیان ل حەفتیا بۆری ل بەغدا، گۆت” میلیشیایێن چەکدار گەلەک ژ کازمی ب ھێزترن و ھەتا وان میلیشیان دانوستاندنێن نیشتمانی ژی یێنرەت کرین و ب دیتنا من رەوشاعیراقێ ل بن ھەژموونا میلیشیان بەر ب ژناڤچوونێیە”.

گۆت ژی” ھەلویستێ میلیشیێن چەکدار ل بەغدا گەلەک ژ ھەلویستێ سەرۆک وەزیرێن عیراقێ مستەفا کازمی ب ھێزترە، ئەو میلیشیا دشێن ڤەکۆلینێ ل گەل کازمی بکەن و زێدەترکونترۆلا رەوشێ بکەن، لەوما ئەویێن چووینە دناڤدا مودەزگەھێن عیراقێدا، چەند جاران ژی کازمی یێن تاقیکرین و فەرمانێن دەستەسەرکرنێ بۆھندەک ژ سەرکردێن وان یێن دەرکرین، بەلێ ھێزێن ئەمنی یێن عیراقی نەشیاینە وان دەستەسەربکەن، ئانکو فەرمانێن کازمی نەھاتینە بجھئینان”.

دیارکر ژی” میلیشیێن شیعی یێن چەکدار ل جادا عیراقێ گەلەک ژ کازمی ب ھێزترن، دەمێ کازمی داخواز ادانوستاندنێن نیشتمانی کری، رامانا وی ئەو بوو دانوستاندن ل گەل میلیشیان، بەلێ وان دانوستاندن ل گەل کازمی رەتکر”.

بروسکەیەکا بەهیداریێ ژ دەزگەهێ رەوشەنبیری و راگەهاندنا پارتی بۆ مالباتا خودێ ژێ رازی حکمەت زێوکی.

بەڕێزان خانەوادەی رۆژنامەنووس(حیکمەت زێوکی)

خەمباربووین بە بیستنی ھەواڵی کۆچی دوایی رۆژنامەنووس و میدیاکاری بەئەزموون خوالێخۆشبوو(حیکمەت محەمەد سەعید) ناسراو بە (حیکمەت زێوکی).
بەم بۆنە خەمناکەوە پرسه‌ و سه‌ره‌خۆشی خۆمان ئاراسته‌ی بنەماڵە بەڕێزەکەتان و تەواوی کەسوکار و ھەڤاڵ و ھاوپیشەکانی خوالێخۆشبوو دەکەین و، هاوبه‌شی خه‌متانین.

له‌ خودای گەورە داواكارین سەبوری بە ھەموولایەک ببەخشێت و گیانی رۆژنامەنووسی کۆچکردویش به‌ به‌هه‌شتی به‌رین شاد بكات.

انا للە وانا الیە راجعون.

دەزگای رۆشنبیری و راگەیاندنی
پارتی دیموکراتی کوردستان

31

ئەڤرۆ:

سەلاحەدین دەمیرتاش ھەڤسەرۆکێ بەرێ یێ ھەدەپێ کو نھا ل زیندانێ دایە ب رێیا پارێزەرێن خوە بەرسڤا پرسێن ئاژانسا BBC تورکی دا و دیار کر کو وی بەری نھا ژی گەلەک جاران دیار کریە کو دڤێت ھەموو پرسێن ل تورکیا ب تایبەتی ژی پرسا کوردی ب رێیا دانوستاندنان بھێنە چارەسەرکرن، لێ مخابن دەستھەلاتا ئاکپارتیێ بۆ بەرژەوەندیێن خوە و بۆ راکێشانا دەنگێ نەتەوەپەرستان قۆناغا ئاشتیێ ژناڤبر و دەست ب شەری کر و گۆت: (د چەند سالێن بۆری دا شەرەک مەزن ل دژی کوردان ھاتە کرن و د ئەنجام دا دیسان رەوش ھەر ئالۆز بوویە و پرسا کوردی نەھاتیە چارەسەرکرن، تشتێ نھا دیارە دەستھەلاتێ چو پرۆژەک بۆ چارەسەریا پرسا کوردی و پرسێن دی نینە، ھەروەسا دەستھەلاتا ئاکپارتی چو پرۆژە بۆ راگرتنا شەری ژی نینن و تنێ تشتێ نھا ئاکپارتی و ئەردۆگان دکەن بۆ ھندێ یە دا ژیێ دەستھەلاتا خوە درێژ بکەن).

دەمیرتاشی ئەو یەک ژی دیار کر کو نھا رەوشا تورکیا گەلەک ئالۆزە، پەیوەندیێن تورکیا ل گەل جیھانێ و وەلاتێن دی یێن دەڤەرێ ژی گەلەک خرابن، ئاکپارتیێ ژی چو پرۆژە بۆ ئاشتیێ و راگرتنا شەری نینن و ب رێیا دستوورەکێ نوو کار بۆ درێژکرنا ژیێ دەستھەلاتا خوە دکەن، ژ بەر ھندێ ژی پتر ژ ھەر دەمەکێ پێدڤیا تورکیا ب دیموکراسیێ و ئاشتیێ ھەیە، رەوشا نھا وەسا نیشا ددەت کو ئێدی دەم یێ ھاتی ھەڤپەیمانیەکا دیموکراتی ب پشکداریا کوردان و ئالیێن دی یێن دیموکرات بھێتە ئاڤاکرن، براستی ژی پێدڤیا تورکیا ب ھەڤپەیمانیەکا وەسا ھەیە و گۆت: (رەوشا نھا نیشا ددەت کو ئاکپارتیێ نەشیایە پرسێن تورکیا چارەسەر بکەت و ھەروەسا ئاستەنگیان ژی ل ھەمبەر بزاڤێن بۆ چارەسەریێ دروست دکەت، ژ بەر ھندێ ژی گرنگە ھێزێن دیموکرات و ئالیگرێن مافێن مرۆڤان پێکڤە ھەڤپەیمانیەکا دیموکراتی ئاڤا بکەن و ئەو یەک بۆ پاشەرۆژا تورکیا گەلەک گرنگە).

 

ئەڤرۆ:

رۆژناما (مەدا) یا عیراقی راپۆرتەک ل دۆر مەسیحیێن پارێزگەھا نەینەوا بەلاڤکر و تێدا ئاشکراکر کو ھندەک کەس ولایەن ل مووسلێ یێن ھەین ل ھیڤیا ب دووماھی ھاتنا رێورەسمێن سەرەدانا پاپایێ فاتیکانێ بۆ مووسلێ نە تاکو بزڤرن بۆ دەست ب سەرداگرتنا ئەردێ مەسیحیان و فرۆتنا خانیێن وان ل وی باژێری. دیارکر ژی کو گرۆپێن چەکدار یێن شیاین ھەتا نوکە ١٠ ھزار تاپۆیێن مۆلکێن عراقیان ل مووسلێ سەختە بکەن کو گەلەک ژ وان یێن مەسیحیان بوون.

ل دووڤ وێ راپۆرتێ، ھژمارا وەلاتیێن مەسیحی ل عیراقێ پشتی سالا ٢٠٠٣ بۆ ٥٠% کێمبوویە کو ژ ھینگێ وھەتا نوکە ١٢٠٠ وەلاتیێن مەسیحی ل عیراقێ ھاتینە کو ٧٠٠ کەس ژوان ژبەر ناسنامێ ھاتینە کوشتن.

وێ رۆژنامێ پشت بەستن ب ژێدەرێن ئاگەھدار ل مووسلێ بەلاڤکر کو ھندەک گرۆپێن چەکدار ل مووسلێ تاپۆیێن خەلکێ وێ باژێری سەختە دکەن، و ھەتا نوکە نێزیکی ١٠ ھزار تابۆیان، کو نیڤەکا وان یا وەلاتیێن مەسیحی یە یێن سەختە کرین”.

جێگرێ پارێزگارێ نەینەوا (حەسەن عەلاف) بەری نوکە راگەھاندبوو” ھندەک گرۆپ و حزب بووینە ئەگەرێ بەرزەبوونا پێنج ھزار دونەمێن ئەردێ حکومی ل مووسل، ژ ئەگەرێ سەختەکاریێ”.

رۆژناما (مەدا) ژ زاردەڤێ ھندەک لایەنێن مەسیحی ڤەگوھاست”بەرێ پەیدابوونا داعشێ ل ھاڤینا ٢٠١٤، نێزیکی ٢٠٠ ھزار وەلاتیێن مەسیحی ل مووسلێ و دەشتا نەینەوا ھەبوون، بەلێ د نوکە دا ھژمارا وەلاتیێن مەسیحی ل مووسلێ تنێ ٢٥ ھزار کەسن”.

رێکخستیا داعش یا تیرۆرستی ١٢٢٣ خانی ل دەشتا نەینەوا ژناڤبرن کو پتریا وان یێن وەلاتیێن مەسیحی بوون، ھەروەسا ٢٠ دێر ژ سەرجەمێ ٣٠ دێران ل پارێزگەھا نەینەوا ژناڤبربوون کو ژیێ ھندەک ژ وان دێران ھزار و ٥٠٠ سال بوون.

ل دووڤ وان لایەنان، ٨٠٠ ھزار وەلاتیێن مەسیحی عیراق بجە ھێلایە و ھژمارا مەسیحیان بەری سالا ٢٠٠٣ د گەھشتە ملیۆنەک و ٤٠٠ ھزار کەسان.

پشتی ئازادکرنا پارێزگەھا نەینەوا ژ داعشێ، ھژمارا مەسیحیان بەر ب زێدەبوونێ چو و گەھشتە ٥٠ ھزار کەسان، بەلێ دوبارە وێ ھژمارا وان ل کێمبوونێ دا ژبەر گەفێن میلیشیان و ھندەک لایەن وێ ئەو چەندا ل پارێزگەھا نەینەوا دھێتە روودان ب کارەکێ رێکخستی د ھەژمێرن ب مەرەما نەچارکرنا مەسیحیان و پێکھاتێن دی بۆ چۆلکرنا دەڤەرێن خوە ل پارێزگەھا نەینەوا و فرۆتنا خانیێن خوە بۆ ھندەک لایەنێن دیارکری”. بێ کو ناڤێ وان لایەنان بینن، وەکو ئاماژەک بۆ میلیشیێن شیعی.

website security
WP Facebook Auto Publish Powered By : XYZScripts.com