ئه‌رێ بزاڤا گۆران ماف هه‌یه هێزا سه‌ربازى هه‌بیت
ئه‌ڤرۆ نیۆز، قائید میرۆ
پشتی دو كادرێن بزاڤا گۆڕان داخوازا پێك ئینانا هێزه‌كا سه‌ربازی بۆ بزاڤا گۆڕان كری، په‌رله‌مانتاره‌كی دیاركر، ل گوره‌ی قانوونێ بۆ چ حزبه‌كێ نینه هێزا سه‌ربازی پێك بینیت.
نازم كه‌بیر، جێگرێ سه‌رۆكێ لیژنا نافخۆ یا په‌رله‌مانێ كوردستانێ دداخویانیه‌كێ دا ب ئه‌ڤرۆ نیۆز راگه‌هاند” گوره‌ی قانوونێن كار پێكری ل هه‌رێما كوردستانێ، چو حزبه‌ك نه‌شێت ل هه‌رێما كوردستانێ هێزا سه‌ربازی ل ده‌رڤه‌ی وه‌زاره‌تا نافخۆ پێشمه‌رگه‌ی پێك بینه، ژبه‌ركو قانوونا ده‌ركرنا پارتێن سیاسی هێزا سه‌ربازی تێدا نینه.
كه‌بیر گۆتژی” چێكرنا هێزا سه‌ربازی تنێ گوره‌ی بڕیار و رێنمایێن وه‌زاره‌تا نافخۆ و وه‌زاره‌تا پێشمه‌رگه‌ی دبیت، ژبلی هه‌ردوو وه‌زاره‌تان چو حزبه‌ك نه‌شێت چو هێزه‌كا سه‌ربازی پێك بینه و مۆله‌ت پێناهێته‌دان.
