ئه‌شواق جاف:حوکمه‌تا ناڤه‌ندى ژبه‌ر ئاواره‌یێن عێراقێ سنورێن كوردستانێ ناگریت
ئه‌ڤرۆنیۆز،ره‌مه‌زان هه‌رنى :
ئه‌ندامه‌كا كورد ل لیژنه‌یا مافێ مروڤی ل جڤاتا نوونه‌رێن عیراقێ ئاشكراكر، بریاره فراكسیونێن كوردستانی ل جڤاتا نوونه‌رێن عیراقێ ڤه‌گه‌رنه‌ڤه كومبونێن خوه ل عیراقێ بۆ چه‌ند مه‌به‌سته‌كا هه‌روه‌سا رونكرنه‌ڤه‌یا ل سه‌ر هێرشێن عیراقێ،ژبەرکو دستورى رێنه‌دایه هه‌ره‌شه بهێنه كرن ل چۆ نه‌ته‌وه‌یان ل گه‌ل وێ چه‌ندێ ژى كوردستان بوویه مه‌زنترین وه‌لاتێ ئاشتى خواز و بوویه مالا ئاواره و په‌نابه‌ران.
ئه‌شواق جاف ئه‌نداما كورد ل لیژنه‌یا مافێ مروڤی ل جڤاتا نوونه‌رێن عێراقێ بۆ ئه‌ڤرۆ نیۆز دیاركر،حه‌فتیا بهێت دێ فراكسیونێن كوردستانێ پشكدارى كومبونێن جڤاتا نوونه‌رێن عیراقێ كه‌ت ئێك ژ خالێن سه‌ره‌كێ یێن سه‌ره‌دانا شاندێ كوردستانێ بۆ به‌غدا دێ رونشتن و كومبوون بن ل گه‌ل بالیۆزخانێن بیانى ل عیراقێ تایبه‌ت ئه‌وێن ئه‌ندام ل جڤاتا ئاسایشا نێڤده‌وله‌تى داكو فشارێ بێخنه سه‌ر سه‌ركردایه‌تیا عیراقێ داكو ل بارا وان بریار و یاسایێن ل جڤاتا نوونه‌رێن عیراقێ ل دژى كوردان ده‌ركرین و دانپێدانێ ب رێفراندوما سه‌ربه‌خویا كوردستانێ بكه‌ت كو ب مەرەما جودابوونێ ژ عیراقێ و سه‌رخوبونا كوردستانێ ئه‌نجام دایه رێژا پتر ژ 92% یا ده‌نگان ب ده‌ست خوڤه ئینایه.
ئه‌شواقێ خویاكر ژى،هەکە حوکمه‌تا به‌غدا به‌رده‌وام بیت ل ره‌تكرنا گفتوگویێ ل گه‌ل كوردستانێ ل سه‌ر پرسا رێفراندومێ دێ بیته ئه‌گه‌رێن بنپێكرنا مافێ مروڤی و ل وى ده‌مى دى َنه‌چاربین په‌نایێ به‌ینه به‌ر جڤاتا ئاسایشا نێڤده‌وله‌تى ل سه‌ر ره‌فتارێن عیراقێ له‌ورا مه ب ئاشتى دڤێت بگه‌هینه ئه‌نجامه‌كى و ب ئاشتى جۆدابین ژ عێراقێ.
جاف ئاشكراکر ژی، مه ئاواره و په‌نابه‌ر سه‌ربه‌ست كرینه كو ل كوردستانێ بن یان ڤه‌گه‌رنه سه‌ر مالێن خوه،به‌لێ ئه‌و دزانن كوردستان ئارامتره له‌ورا ئه‌وێن ده‌ڤه‌رێن وان ژى هاتیه ئازاد كرن ب بهانه‌یا نه‌بوونا خزمه‌تگوزاریا ناڤه‌گه‌رن و رێكه‌فتن هه‌یه ل ناڤه‌بەرا كوردستانێ و عیراقێ ل دور بابه‌تێ سنورێن ناڤه‌برا هه‌ردو وه‌لاتادا، له‌ورا حوکمه‌تا عیراقێ دێ نه‌چاربیت رێكا هشكاتى ل ناڤبه‌را كوردستانێ و عیراقێ ڤه‌كرى هێلیت.
