ئه‌كته‌ره‌كێ ناڤدار یێ هۆلیوۆد گه‌هشته هێزێن كوردی
ئه‌ڤرۆ نیوز: ڤه‌ده‌ر ره‌شاڤایی:
ئه‌كته‌ره‌كێ هۆلیوۆد بریار دا پشتا خوه بكه‌ته ژیانا زارڤه‌كرنێ و چێكرنا فلمان و به‌ره‌ڤ سه‌نگه‌رێن هێزێن كوردی بۆ به‌رهنگاربوونا رێكخستیا تیرۆرییا داعش بچیت .
مایكل ئێنرایت ئه‌كته‌رێ بریتانی ژ باژێرێ مانچێسته‌ر كو پشكداری د هه‌ژماره‌كا زێده‌یا فلمێن هۆلیوۆد دا كریه ژ وان ( Pirates Of The Caribbean) دگه‌ل جۆنی دێپ و ( Knight And Day) دگه‌ل تۆم كرۆز، بریار دا ئێدی شه‌رێ فلمان ب شه‌رێ راسته‌قینه بگۆهریت، پشتی دو مه‌هێن وه‌رگرتنا مه‌شقان دا، هێزێن پاراستنا گه‌ل یه‌په‌گێ ئه‌ڤرۆ راگه‌هاند كو مایكل دگه‌ل شه‌رڤانێن كورد ل دژی داعش ل رۆژئاڤا كوردستانێ ده‌ست ب شه‌ری كریه.
