ئه‌لمانیا.. په‌نابه‌ره‌كى خوه سۆت
ئه‌ڤرۆ نیوز:
په‌نابه‌ره‌كێ ئیرانی ل ئه‌لمانیا پشتی پێدانا مافێ په‌نابه‌ریێ بۆ وی هاتییه ره‌تكرن ئاگر به‌ردا خوه.
كه‌سه‌كێ كو روودان ب چاڤێ خوه دیتییه گۆت: په‌نابه‌ره‌كێ ئیرانی ل ئۆفیسه‌كا نێزیك باژارێ شتوتگارت یێ ئه‌لمانی ناما ره‌تكرنا مافێ په‌نابه‌ریێ نیشانی دو كارمه‌ندێن ژن دا، كارمه‌ندان سۆز دایێ هاریكاریا وی بكه‌ن، لێ ره‌فتارا وی په‌نابه‌ری توند بوو بوتله‌كێ سوته‌مه‌نیێ ژ چانتا خوه ئینا ده‌ر و بخوه دا كر و ئێكسه‌ر ئاگر به‌ردا خوه.
هه‌ردو كارمه‌ندان داخوازا هاریكاریێ كر وب په‌ر ۆكه‌كی ئاگر هات ڤه‌مراندن لێ ئه‌و په‌نابه‌ر بگرانی برینداربوو و بۆ نه‌خوه‌شخانێ هات هنارتن.
پتری ملیۆن كه‌سان د چه‌ند سالێن ڤێ داویێ دا داخوازا مافێ په‌نابه‌ریێ ل ئه‌لمانیا كرییه كو پتره ژ رێژا هه‌می ئه‌ورۆپا و ئه‌و یه‌ك بوویه مژارا سه‌ره‌كی ل ئه‌لمانیا و حكومه‌تێ رێكار توند ده‌ستپێكرینه.
