ئه‌مریكا ده‌رسنۆركرنا 114 كریستیانێن ئیراقێ راگرت
ئه‌ڤرۆ نیوز:
دادوه‌رێ فێدرالی ل باژارێ دیترۆیت یێ ئه‌مریكا بریار دا بجهئینانا ده‌رسنۆركرنا (دیپۆرتكرنا) 114 كریستییانێن ئیراقێ رابگریت.
مارك گۆلدسمیس، دادوه‌رێ دیترۆیت داخوازا تێهه‌لچوونا بریارێ قه‌بوول كر و راگه‌هاند: 114 په‌نابه‌رێن ئیراقی یێن كریستییان كو نها ل ئه‌مریكانه ناهێنه ده‌رێخستن و ڤه‌گه‌راندن بۆ ئیراقێ ڤه، دێ ده‌مێ 15 رۆژان پێ هێته دان كو بسه‌لمینن مه‌ترسی ل سه‌ر ژیانا وان هه‌یه هه‌كه‌ر بهێنه ڤه‌گه‌راندن ڤه.
ده‌ستهه‌لاتا ئه‌مریكا ئۆپه‌راسیۆنه‌كا ده‌سته‌سه‌ركرنێ بۆ هزار په‌نابه‌رێن ئیراقی یێن نه‌قانوونێ ل ئه‌مریكا ده‌ست پێكربوو، 114 ژ وان كریستیانێن كلدانی بوون.
ئه‌مریكا ئه‌و كه‌سێن هاتینه گرتن ب كوشتن و ده‌ستدرێژی و ده‌ستبسه‌رداگرتنا چه‌كداری و چه‌ندین تاوانێن دی سووچبار كربوون.
