ئه‌مریكا دێ سزایان دانیته سه‌ر چەندین میلیشیاتێن شیعی
ئەڤرۆ نیوز، زنار تۆڤی:
ئه‌مریكا ل هیڤیا پرۆژه‌‌كێ یه بۆ دانانا سزایان ل سه‌ر چه‌ندین گرۆپ و میلیشیایێن شیعێن عیراقی، ئه‌وێن ژ ئالیێ ئیرانێ ڤه پشته‌ڤانی لێ دهێتە كرن.
سیناتۆرێن كۆماری ل كۆنگرێسێ ئه‌مریكا، پرۆژه قانوونه‌ك ژبۆ سزادانا هەموو گرۆپ و میلیشیایێن چه‌كدارێن عیراقی به‌رهه‌ڤكریه ئه‌وێن ژ ئالیێ سوپایێ پاسدارێن ئیرانێ ڤه پشته‌ڤانی لێ دهێتە كرن.
ئه‌ڤ پرۆژێ كۆماریان وه‌كو بزاڤه‌كێ یه ژ پێخەمەت سنۆرداركرنا هه‌ژموونا ئیرانێ ل عیراقێ، ل گۆر وێ چەندێ ژی، جێمس ماتیس وه‌زیرێ به‌رگریا ئه‌مریكا دێ ناڤێن وان میلیشیاتێن عیراقی به‌لاڤ كه‌ت ئه‌وێن دێ كه‌ڤنه به‌ر وان سزایێن ئەمریکا.
