ئه‌نتر میلان فشار ل سەر بەرشەلونا پەیداکریە
ئه‌ڤرۆ نیوز:
یانا ئه‌نتر میلان یا به‌رده‌وامه ل سه‌ر بزاڤێن ده‌ستڤه ئینانا ستێرا شیلى و یانا به‌رشه‌لۆنا ئه‌رتورو ڤیدال كو ئه‌و یاریزان نوكه بوویه ئێك ژ ئارمانجێن سه‌ره‌كى یێن راهێنه‌رێ یانا ئه‌نتر میلان بوو ڤه‌گوهاستنێن زڤستانێ .
رۆژناما لاگازیتا دیللو سپورت یا ئیتالى دیاركریه به‌رپرسێن یانا ئه‌نتر میلان ب فه‌رمى ده‌ست ب دانوستاندنان كریه ل گه‌ل به‌رپرسێن یانا به‌رشه‌لۆنا بوو ڤه‌گوهاستنا یاریزانێ وێ ڤیدال .
هه‌ردیسان وێ رۆژنامێ ئاشكراكریه ژى به‌رپرسێن ئه‌نتر كوژمێ 12 ملیون یورۆیا پێشكێشى به‌رشه‌لۆنا كریه به‌رامبه‌ر ڤه‌گوهاستنا وى یاریزانێ شیلى .
ل دووماهیێ هاتیه ئاشكراكرن ژى ب رێژه‌یا هه‌ره مه‌زن به‌رشه‌لۆنا ل سه‌ر وى كوژمێ پاره‌ى رازى نابیت ئه‌وێ ئه‌نتر میلان پێشكێشى ئه‌وان كرى و ئه‌نتر ده‌رگه‌هێ دانوستاندنان بوو كوژمێ پاره‌ى زێده‌تر لێ بكه‌ن ڤه‌كریه .
