ئه‌وێ ل سلێمانيێ ته‌قه كرى هاته ده‌سته‌سه‌ركرن
ئه‌ڤرۆنيۆز، عه‌زيز ره‌سول
په‌يڤدارێ پۆليسێن سلێمانيێ، سه‌ركه‌وت ئه‌حمه‌د، بۆ ئه‌ڤرۆ نيۆز راگه‌هاند ئه‌و ته‌قا ئه‌ڤرۆ ل به‌رده‌رگه‌ى سه‌راى ل سلێمانيێ هاتيه كرن، دناڤبه‌را دو وه‌لاتيان دا بوو ژئه‌گه‌رێ كێشه‌كا جڤاكى بوو، كو ئێك ژلايه‌نێ وێ كێشێ ب ده‌بانجێ ته‌قه ل وى كه‌سێ كێشه ل گه‌ل هه‌ى كر ودئه‌نجامدا ئه‌و ل گه‌ل دوكه‌سێن دى برينداربوون.
سه‌ركه‌وتى گۆت ژى، ئه‌و كه‌سێ ته‌قه كرى ژلايێ پۆليسان ڤه يێ هاتيه ده‌سته‌سه‌ركرن وهه‌رسێ بريندار ژى بۆ نه‌خوه‌شخانێ هاتينه هنارتن وڤه‌كۆلين ژى ل ئه‌گه‌رێ روودانێ ده‌ست پێكريه.