ئه‌و جهێ سه‌رۆك بارزانى لێ ژ لایێ داعش ڤه ته‌قه لێ هاته كرن
ئه‌ڤرۆ نيوز:
زێره‌ڤانه‌كێ تایبه‌تێ مه‌سعود بارزانى سه‌رۆكێ هه‌رێما كوردستانێ دبێژیت:” ئه‌و جهێ كو بارزانى لێ چه‌ندین جاران ژ لایێ داعش ڤه ب دوشكێ ته‌قه لێ دهاته كرن”.
مالپه‌رێ مه‌كته‌با رێكخستنا پارتى ل سه‌ر زارێ زێره‌ڤانه‌كێ تایبه‌تێ سه‌رۆك بارزانى به‌لاڤكریه كو شه‌ڤا بڕیار بوو سپێدێ هێرشا پێشمه‌رگه‌ى بۆ سه‌ر شنگالێ ده‌ست پێ بكه‌ت، بارزانى ئێك چره‌كه نه‌نڤستبوو و به‌رده‌وام ل گه‌ل فه‌رماندێن سه‌ربازى كۆم دبوو.
زێره‌ڤانێ تایبه‌تێ مه‌سعود بارزانى سه‌رۆكێ هه‌رێما كوردستانێ ژى هه‌روه‌سا دیاركریه:(ده‌مێ سپێدى زوو هێرشێ ده‌ستپێكرى، سه‌رۆك بارزانى ل سه‌ر جهه‌كێ بلند به‌رێخوه د دا شنگالێ و ژ نێزیك چاڤدێریا پێشڤه‌چوونێن پێشمه‌رگه‌ى دكر، ئه‌و جهێ سه‌رۆك لێ چه‌ندین جاران ژ لایێ داعش ڤه ب دوشكێ ته‌قه لێ دهاته كرن و چه‌ندین جاران داخواز ژێ هاته كرن ژ مه‌ترسیا دوشكا داعش دوور كه‌ڤیت و جهێ خوه بگوهۆڕیت و ل جهه‌كێ دى چاڤدێریێ لێ بكه‌ت، لێ سه‌رۆك یێ به‌رهه‌ڤ نه‌بوو وى جهى بهێلیت و هه‌ر ما ل وێرێ).
ئه‌و زێرڤانه دیسا دبێژیت:(ل ده‌مژمێر هه‌شتى سپێدى هنده‌ك خوارن بۆ بارزانى بر، لێ گۆت هه‌تا پێشمه‌رگه نه‌خوت ئه‌ز ژى ناخوم و به‌رده‌وام په‌یوه‌ندى ب فه‌رماندنێن سه‌ربازى دكر و به‌رده‌وام ئه‌ڤه دوپات دكر كو ب كێمترین زیان پێشڤه‌چوونێ بكه‌ن).
زێره‌ڤانێ تایبه‌تێ سه‌رۆك بارزانى د پشكه‌كا دى یا گۆتنێن خوه دا دبێژیت:(ل به‌رۆكێن رۆژهه‌لات و باشور شه‌ڕه‌كێ گه‌له‌كێ گران بوو و دیاربوو كو نووچه‌یێ شه‌هیدبوونا چه‌ند پێشمه‌رگه و فه‌رماندا گه‌هشته سه‌رۆك بارزانى، گه‌له‌ك ب وى نووچه‌ى دلگران بوون، لێ د هه‌مان ده‌م دا ورا پێشمه‌رگه‌ى بلند دكر و دگۆت چو سه‌ركه‌فتن بێ قوربانى نابن).
