ئه‌ڤرۆ دو ياريێن ب هێز دێ هێنه ئه‌نجامدان
ئه‌ڤرۆنيوز:
دو ياريێن ب هێز ئه‌ڤرۆ سێشه‌مبى 16/10/2018 دێ هێنه ئه‌نجامدان.
ياريا ئێكێ دێ ل ده‌مژمێر 9 ئه‌ڤ شه‌ڤه دناڤبه‌را هه‌ردو هه‌لبژارتيێن به‌رازيل وئه‌رجه‌نتين دچارچۆڤێ قاره‌مانيا (سۆپه‌ر كلاسيكۆ) ل سعوديێ هێته ئه‌نجامدان كو چار هه‌لبژارتى تێدا دپشكدارن ئه‌وژى به‌رازيل وئه‌رجه‌نتين وسعوديه وعيراق.
هه‌لبژارتيێ ئه‌رجه‌نتين د ياريا خوه يا ئيكێ دا ب ئه‌نجامێ 4-0 ل سه‌ر هه‌لبژارتيێ عيراقێ ب سه‌ركه‌فت بوو، هه‌لبژارتيێ به‌رازيل ژى ب ئه‌نجامێ 2-0 ل سه‌ر هه‌لبژارتيێ سعوديێ ب سه‌ركه‌فت بوو. شڤێدى ژى هه‌ردو هه‌لبژارتيێن عيراقێ وسعوديێ ب ئه‌نجامێ 1-1 وه‌كهه‌ڤ ببوون. ل دووڤ خشتێ وێ قاره‌مانيێ هه‌ر هه‌لبژارتيه‌ك تنێ دێ دو ياريان ئه‌نجامده‌ت.
ياريا دويێ يا ب هێز دێ ل ده‌مژمێر 9:45 يێ ئه‌ڤ شه‌ڤه دناڤبه‌را هه‌ردو هه‌لبژارتيێن فه‌ره‌نسا وئه‌لمانيا دچارچۆڤێ قاره‌مانيا خۆلا نه‌ته‌وێن ئورۆپا دا هێته ئه‌نجامدان دچارچۆڤێ كۆما ئێكێ.
كۆما سيێ ژ هه‌رسێ هه‌لبژارتيێن ئه‌لمانيا وفه‌ره‌نسا وهوله‌ندا پێك دهێت، ئه‌لمانيا دو يارى ئه‌نجامداينه، يا ئێكێ ل سه‌ر ئه‌ردێ خوه ل گه‌ل هه‌لبژارتيێ فه‌ره‌نسا ب ئه‌نجامێ 0-0 وه‌كهه‌ڤ ببووول ياريا دويێ تووشى دوراندنه‌كا مه‌زن ببوو ل سه‌ر ده‌ستێ هه‌لبژارتيێ ئهوله‌ندا ب ئه‌نجامێ 0-3.
هه‌لبژارتيێ فه‌ره‌نسا ژى ل ياريا ئێكێ ل سه‌ر ئه‌ردێ خوه ب سه‌ركه‌فتبوو ل سه‌ر هوله‌ندا ب ئه‌نجامێ 2-1 ول گه‌ل ئه‌لمانيا ل ده‌رڤه‌ى ئه‌ردێ خوه ب ئه‌نجامێ 0-0 وه‌كهه‌ڤ ببوو.
