ئه‌ڤرۆ هه‌لبژارتنن.. کی دێ کورسیکێ بەت؟
ئەڤرۆ:
سەندیکا ھونەرمەندێن کوردستانێ ل سالا (١٩٨٣) ھاتیەدامەزراندن، لقێ دھۆکێ یێ سەندیکا ناڤبری ژ دامەزراندنێ ھەتا نوکە ئەڤان ھونەرمەندان سەرۆکاتیا وێ کریە،(ئیسف ئیشە، ئازاد عەبدوللا سادق، عومەر عەلی تاھا(دو خولان)، عادل حەسەن) پشتی کونگرێ گشتیێ ھونەرمەندان ل سالا (٢٠١١) ھەتا نوکە ھونەرمەند(زیاد عابد)ی سەرۆکێ لقێ دھۆکێ یێ سەندیکا ناڤبری وەرگرتیە.
سەندیکا ھونەرمەندان لقێ دھۆک ژ(٧٧٠) ئەندامان پێک دھێت و لدووڤ ئامارێن سەندیکا ناڤبری کو بدەست بەرپەرێ ھونەری کەفتینە(٢٠%) ژ ڤێ رێژێ ئافرەتن، ژڤانە ئەڤرۆ رێکەفتی (٢٩/١/٢٠١٤ ) دەمژمێر ١٠ سپێدێ ھەتا ٣ ئێڤاری پرۆسێسا ھەلبژارتنان یا بەردەوام بیت و ب ئامادەبوونا نوونەرێ دادگەھا دھۆکیً و پارێزگەھا دھۆکێ و نوونەرێن ئەنجوومەنێ سەندیکا ھونەرمەدان ھەولێر ھەلبژارتنێن سەندیکا ھونەرمەندان بھێنەکرن و ھەژمارەکا ھونەرمەندان تێدا دپشکدارن، بۆ سەرۆکاتیا سەندیکا ھونەرمەندان (ئەڤین حسێن، عادل عەبدوالرحمان، موفق روشدی، شەعبان سلێمان) و دیسا بۆ پوستێن دارایی (ئاراز ئونیک و قاسم رەمەزان) بۆ پوستێ ناڤەندا مۆزیکێ( نیھاد سەعدوللا، ئحسان میکائیل، ماھر زاھر، سالم عەبدوللا) دیسان بەربژێرێن پۆستێ ناڤەندا شانۆیێ (ھەرمان ھاشم، عەبدورحمان محەمەد سالح) بەربژێر بۆ پۆستێ ناڤەندا شێوەکاری( ئازاد محەمەد سەعید، بێوار تەحسین، دلیار) بۆ پۆستێ ناڤەندا فلمسازان( کامیران و شێروان جەمیل) جھێ ئاماژەکرنێ یە کو پتر ژ(٦٥٠) ھونەرمەندێن کارا مافێ دەنگدانێ ھەیە و ھەر ھونەرمەندەکی ماف ھەیە(٣) دەنگدان بدەت، بۆ (سەرۆکاتیێ، ناڤەندا خوە ، دارایی)
ھونەرمەندێ مەزن سەمیر زاخۆیی ل دۆر ھەلبژارتنان بۆ بەرپەرێ ھونەری دیارکر کو ھەر چار بەربژێرێن سەرۆکاتیێ تێلەفۆن بووکرینە، گۆت: ھەڤالینی جودایە و کار جودایە و دێ ئێکی ھەلبژێری بەرەڤانیێ ژ تە بکەت و نەبتنێ روونت و مووچان وەربگریت و بڤی رەنگی تە خزمەت نەکر دێ بەحسێ وی ھێتەکرن و دەنگێ تە ژی ب ھەروە چوو.
سەمیری گۆت: پێدڤی یە ھونەرمەند ببنە پلە(ئێک و دو و سێ) نابیت ھەموو وەک ئێک بن و ھندەکان ب واستە ناسناما سەندیکایێ ھەبیت، دڤێت ناسنامە ھەر ئێک رەنگەک بیت، ھونەرمەند وەک بسپۆری بھێنەجوداکرن، جھێن تایبەت ھەبن، سەمیری ل دووماھیێ خواست ژی سەرۆکێ ئەڤجارە یێ سەندیکایێ مۆزیکژەنەک بیت، چونکە چەندین سالە ھونەرێن دی سەرکێشیا سەندیکایێ دکەن، دیسان رەوشا ھونەرێ مۆزیکێ ژ ھونەرێن دی ل دەڤەرێ گەشترە.
