ئه‌ڤرۆ ياريه‌كا ب هێز دخۆلا ئيسپانى دا دێ هێته ئه‌نجامدان
ئه‌ڤرۆنيۆز:
ئه‌ڤرۆ ل ده‌مژمێر 10:45 شه‌ڤێ دكوپيتكا گه‌را 13 ژ خۆلا ئيسپانى يا ته‌پا پێ، يانا ڤالنسيا خودانێ رێزا دويێ دێ ل سه‌ر ئه‌ردێ ياريگه‌ها خوه (ميستايا) مێهڤانداريا يانا به‌رشه‌لونا خودانا رێزا ئێكێ كه‌ت.
يانا ڤالنسيا دڤى وه‌رزى دا يا شياى ئاسته‌كێ هه‌ره‌باش پێشكێش بكه‌ت وهه‌ڤركيا به‌رشه‌لونا وريال مه‌دريد بكه‌ت ود 12 ياريێن بۆرى ژ ڤى وه‌رزى شيايه 9 سه‌ركه‌فتان بده‌ستڤه‌بينيت و3 جاران ژى يا وه‌كهه‌ڤ بووى وچو دوراندن ژى نه‌داينه وب كۆمكرنا 30 خالان ل رێزا دويێ دهێت پشتى به‌رشه‌لونا خودانا رێزا ئێكێ ب 34 خالان، ديسا ڤالنسيا ب سێ خالان به‌رى خودانێن رێزێن سيێ وچارێ دهێت كو هه‌ر ئێك ژ ئه‌تله‌تيكۆ مه‌دريد وريال مه‌دريدن كو هه‌ردويان 27 خال ژ 13 ياريان يێن هه‌ين.
يانا به‌رشه‌لونا كو وێ ژى دڤى وه‌رزى دا ئاسته‌كێ هه‌ره‌باش پێشكێشكريه وژ 12 ياريان 11 سه‌ركه‌فتن بده‌ستڤه‌ئيناينه ووه‌كهه‌ڤيه‌ك وچو دوراندن ژى نه‌داينه و ل سه‌رێ ليستا خۆلێ دهێت ب 34 خالان. دڤێ ياريێ دا به‌رشه‌لونا وه‌كهه‌ڤ ببيت يان بهێته دوراندن ژى دێ هه‌ر ل سه رێ ليستێ مينيت، چونكى ب چار خالان ل به‌رى يانا ڤالنسيايه.
