ئه‌ڤێن مامێ خوه كوشتين يێن ل دادگه‌هێ
ئه‌ڤرۆ نيوز:
رێڤه‌به‌ريا پۆليسێن هه‌ولێر دياركر كو پشتى ل رێكه‌فتى 2/1/2015 ل تاخێ مه‌لايان ل هه‌ولێر، چه‌ند كه‌سه‌ك رابوون ب كوشتنا وه‌لاتيه‌كى ب ناڤێ “م.ك.ح” پاشان ده‌ركه‌فتى كو بكوژێن وى چار كه‌س بوون، برا و برازايێن وى بوون.
د نڤيساره‌كێ دا كو دانه‌ك بۆ ئه‌ڤرۆ نيوز هنارتيه زێده‌تر دده‌ته زانين كو پاشان تۆمه‌تبار ژ جهێ روودانێ ره‌ڤيبوون، پشتى ناسناما وان ئاشكه‌را بوويى، نه‌شيان خوه ژ ده‌ست پۆليسان ده‌ربێخن، پاشان نه‌چار بوون خوه راده‌ستى هێزێن ئاسايشێ بكه‌ن.
ئاماژه ب وێ چه‌ندێ ژى كريه كو ب گۆره‌يى گۆتنێن تۆمه‌تباران و پێزانينێن ده‌سپێكى كێشه ڤه‌دگه‌ريت بۆ قه‌رزان كو بوويه ئه‌گه‌رێ كه‌ربێ و شه‌ر د ناڤبه‌را وان چار برايان دا دروست بوويه كو ب ناڤێ “پ” و “ن” و “ش” و “ك” بوون كو كوڕێن “ع.ح” چووينه سه‌ر مالا وى كه‌سى و كوشتينه”.
پاشان ب گوله و چه‌قۆيێ هێرشێ دكه‌نه سه‌ر و د ئه‌نجام دا گيانێ خوه ژ ده‌ست دده‌ت و نوكه ب گۆره‌يى داخۆيانا رێڤه‌به‌ريا پۆليسێن هه‌ولێر هه‌ر چار كه‌س ب گۆره‌يى مادێ 406 د ده‌سته‌سه‌ركرينه و ڤه‌كۆلين يار به‌رده‌وامه.
