ئه‌گه‌رێ زوو هاتنا خوارا شه‌حنا ڤێ ئايفۆنێ ئاشكرابوو
ئه‌ڤرۆنيۆز:
پشتى به‌رده‌ستبوونا سيسته‌مێ (IOS 11) گه‌له‌ك بكارئينه‌رێن ئايفۆن وئايپادان گازندێ ژ زوو هاتنا خوار يا شه‌حنا وان ئاميرێن خوه دكه‌ن.
شاره‌زايێن بوارێ ته‌كنه‌لۆژيايێ ئاشكرادكه‌ن كو به‌رنامێ يوتيوبى (youtube) دوى سيسته‌مێ نوو يێ ئيفۆنێ دا، ئه‌گه‌رێ وێ چه‌ندێ يه.
دياردكه‌ن ژى كو كێشه دوێ چه‌ندێ دايه هه‌تاكو هه‌كه يوتيوب كار ژى نه‌كه‌ت، شه‌حنا ئايفۆنێن وى سيسته‌مى هه‌ر دهێته خوار.
ڤێ چه‌ندێ وه‌كر كو كۆمپانيا يوتيوبى بله‌ز رۆهنكرنه‌كێ بده‌ت دبه‌رپه‌رێ خوه ل سه‌ر تويته‌رى وتێدا نڤيسى كو ئه‌م نوكه كاردكه‌ين بۆ چاره‌سه‌ركرنا وێ كێشێ ب زووترين ده‌م.
ل دووڤ شاره‌زايێن ته‌كنولۆژيايێ، بۆ رزگاربوونێ ژوێ كێشێ، نوكه وه‌سا باشتره به‌رنامێ يوتيوبى دناڤ وان جۆره ئايفۆنان دا بهێته ژێبرن وڤيديۆيێن يوتيوبى ژبراوسه‌رێ مۆبايلێن خوه ڤه‌كه‌ن، نه‌كو ژ به‌رنامێ يوتيوبى ب خوه.
