ئوسترالیا خزمەتەکا مەزن بۆ عیراقێ کر
ئەڤرۆ نیوز:
ھەلبژارتیێ ئوسترالیا خزمەتەکا مەزن پێشکێشی ھەلبژارتیێ عیراقێ یێ تەپا پێ کر پشتی د یاریا خوە یا ئەڤرۆ دا شیای سەرکەفتنەکا مەزن ل سەر ھەلبژارتیێ ئوردون توماربکەت ب پێنج گولان بەرامبەر گولەکێ دوێ یاریێ دا ئەوا ل یاریگەھا سدنی ل ئوسترالیا د ھاتیەکرن کو بتنێ خوسارەتیا ئوردون د ڤێ یاریێ دا د بەرژوەندیا ھەلبژارتیێ عیراقێ دا بوو.
ھەلبژارتیێ عیراقێ بریارە ئەڤرۆ دەمژمێر پێنج ئێڤاری یاریا خوە یا گەرا دووماھیێ ژ کوما دوێ ل گەل ھەلبژارتیێ فیتنام بکەت و ھەلبژارتیێ عیراقێ دڤێ یاریێ دا پێدڤی سەرکەفتنێ یە ھەتا دەربازبوونا خوە وەکو تیما رێزا دوێ وەکو باشترین تیما رێزا دوێ مسوگەر بکەت لێ ب مەرجەکی ھەلبژارتیەکێ دی ژی د یاریا خوە یا ئەڤرۆ دا خوسارەت بیت ئەوژی سوریا یان ئیمارات، کوریا ژێری، لبنان، چین ئێک ژ ئەڤان ھەلبژارتیا خوسارەت بیت داکو ھەلبژارتیێ عیراقێ دەربازبیت ئەو ژی ب مەرجەکی سەرکەفتنێ ل سەر فیتنام توماربکەت د یاریا خوە یا ئەڤرۆ دا.
