ئيتۆ: ميسى يه باشترين ياريكه‌ر ل جيهانێ
ئه‌ڤرۆنيوز:
ياريكه‌رێ به‌رێ يێ هه‌لبژارتيێ كاميرۆن ويانا به‌رشه‌لونا يا ئيسپانى وياريكه‌رێ نوكه يێ يانا قه‌ته‌ر يا قه‌ته‌رى ساموێل ئيتۆ راگه‌هاند، ليونێل ميسى هه‌ر باشترين ياريكه‌ره ل جيهانێ سه‌ره‌راى نه به‌ربژاركرنا وى دليستا باشترين ياريكه‌رێن جيهانێ ل سالا 2018.
ياريكه‌رێ هه‌لبژارتيێ كرواتيا ويانا ريال مه‌دريد لۆكا مودريتش ناسناڤێ باشترين ياريكه‌ر ل جيهانێ بۆ سالا 2018 وه‌رگرت، به‌لێ ئيتۆ دبێژيت” ميسى دێ بۆمه هه‌ر مينيت باشترين ياريكه‌ر ل جيهانێ ول هه‌موو چه‌رخان”.
گۆت ژى” هنده‌ك كه‌سان ئه‌و هه‌رسێ ناڤ دليستا دووماهيێ دا دانان، به‌لێ ئه‌ڤه وێ راستيێ نا گوهۆريت بۆ من وگه‌له‌كێن وه‌كو من كو ل ده‌ف وان ميسى باشترين ياريكه‌ره ل هه‌موو ده‌مان”.
