ئۆباما به‌حسێ شنگال و كوبانێ و كه‌ركووكێ كر
ئه‌ڤرۆ نیوز،زنار تۆڤى:
ئه‌ڤرۆ رۆژا دووشه‌مبى 6/7/2015 باراك ئۆباما سه‌رۆكێ ئه‌مریكا ل وه‌زاره‌تا به‌رگریا ئه‌مریكا پنتاگۆنێ گۆتاره‌ك پێشكێشكر و تێدا ب راشكاوانه به‌حسێ پێشمه‌رگێ كوردستانێ كر كو شیاینه سه‌ركه‌فتنێن مه‌زن ل سه‌ر داعشێ تۆمار بكه‌ن ل شنگالێ و كه‌ركووكێ و و كۆبانێ و هه‌مى ده‌ڤه‌رێن دیتر، كو هێزه‌كا ئێكانه‌نه شیاین داعشێ تێكبشكێنن، هه‌روه‌سا ئوباماى به‌حسێ شه‌رڤانان ژى كر كو ئه‌و ژى شیاینه كۆبانێ و گرێ سپى بپارێزن و سه‌ره‌راى نه‌بوونا چه‌كه‌كێ پێشكه‌فتى،لێ ئه‌و شیاینه ب ئیراده‌یه‌كا بهێز شه‌رى بكه‌ن و داعشێ تێكبشكێنن ب هه‌ڤكاریا فرۆكێن هه‌ڤپه‌یمانان.
ده‌رباره‌ى هێزێن پێشمه‌رگه‌ى ئوباماى گوت:ئه‌م دێ به‌رده‌وام بین ژبۆ پشته‌ڤانیكرنا هێزێن پێشمه‌رگه‌ى،چونكى ئه‌و تاكه هێزه شیاى داعشێ تێكبشكێنیت و هه‌روه‌سا شیاینه دربێن كۆژه‌ك ل داعشێ بده‌ن.
