ئۆپك: به‌رهه‌مێ رۆژانه یێ نه‌فتا ئیرانێ 150 هزار به‌رمیلێن دیتر داکەفتیە
ئەڤرۆ نیوز ، زنار تۆڤی:
رێکخراوا ئۆپک د نووترین راپۆرتا خوە یا هەیڤانەدا ئاشکراکریە، کو بەرهەمێ رۆژانە یێ نەفتا ئیرانێ د هەیڤا تەباخێدا 150 هزار بەرمیلێن دیتر داکەفتیە.
لدووڤ ئامارێن وێ رێكخراوێ، به‌رهه‌مێ نەفتا ئیرانێ پشتی ڤەكێشانا ئه‌مریكا ژ رێككه‌فتنا ئه‌تۆمی، هەیڤ بۆ هەیڤ بەرەف کێمیێ دچیت.
وێ راپۆرتا ئۆپک دیارکریە: کو به‌رهه‌مێ نه‌فتا ئیرانێ د هەیڤا خزیرانێدا 29 هزار به‌رمیل و د هەیڤا ته‌مۆزێدا 56 هزار به‌رمیلێن دیتر داکەفتن ب خوەڤە دیتیە، ب ڤێ چەندێ د سێ هەیڤێن بوریدا بەرهەمئینانا رۆژانە یا نه‌فتا ئیرانێ 235 هزار به‌رمیلان كێمكریه.
هەروەسا ب نێزیكبوونا قوناغا دویێ یا گه‌مارۆیێن ئەمریکا ل دژی ئیرانێ د هەیڤا چریا دویێ دا، دهێتە چاڤەرێ کرن کو به‌رهه‌مێ نه‌فتا وی وەلاتی داکەفتنەکا زۆرتر و ب لەزتر ب خوڤه ببینیت.
