ئۆکرانیا: مە زیانێن مەزن گەهاندینە رۆسیایێ
بەرپرسەکێ وەزارەتا بەرگریێ یا ئۆکرانیایێ دیار کر بەری دو رۆژان وان شیاینە ب چارسەد درۆنێن پێشکەفتی ئێرشی گەلەک جهێن سەربازی و ژێرخانا ئابووری ل موسکو و دەوروبەرێن وێ بکەن و شیاینە زیانەکا گەلەک مەزن بگەهیننە رۆسیا و هەتا رۆسیا دەست ژ داگیرکاریێ بەرنەدەت دێ ئێرشێن وان ل دژی رۆسیا بەردەوام بن و نها چەکێ گەلەک پێشکەفتی د دەستێ وان دا هەنە.
وەزارەتا دەرڤە یا رۆسیا ژی دیار کر، چەند رۆژن ئۆکرانیا ب درۆنێن پێشکەفتی یێن ناتۆیێ ئێرشی گەلەک جهان دکەت و ئەو یەک بێ بەرسڤ نابیت و رۆسیا دێ ب هەموو شیانێن خوە ئێرشێ ئۆکرانیایێ کەت و دڤێت وەلاتێن ناتۆ ژی چەکێ نوو نەدەنە ئۆکرانیایێ، چونکی رۆسیا دێ یا پێدڤی بۆ پاراستنا خوە کەت و هەروەسا هەتا رۆسیا ل ئۆکرانیایێ نەگەهیتە ئارمانجێن خوە دێ شەڕ ب دژواری بەردەوام بیت.
