ئیرانێ نەرازیبوونا خوە ل هەمبەر هەبوونا هێزێن تورکیا ل سووریێ و عیراقێ دیار کر
ئەڤرۆ نیوز:
محەمەد جەواد زەریف وەزیرێ دەرڤە یێ ئیرانێ راگەهاند کو هەبوونا هێزێن تورکیا ل سووریێ و عیراقێ دبیتە ئەگەرێ هندێ کو رەوشا دەڤەرێ زێدەتر ئالۆز ببیت و گۆت: (راستە بەرپرسێن تورکیا دبێژن هەبوونا هێزێن وان ل سووریێ و عیراقێ بۆ پاراستنا ئاسایشا تورکیا یە، لێ تشتێ هەتا نها مە دیتی تورکیا نەشیایە ئاسایشا خوە وەسا بپارێزیت و باشترە هێزێن عیراقێ و سووریێ ل سەر سنوران بن و سنوران ب پارێزن).
