ئیران بریارا ڤەکرنا هەموو دەرگەهان و به‌رده‌وامیدان ب ئالوگۆریا بازرگانی ل گه‌ل هه‌رێما كوردستانێ ددەت
ئەڤرۆ نیۆز،زنار تۆڤی:
حوکمه‌تا ئێرانێ رەت دکەت کو ب ئەگەرێ ریفراندۆما سه‌ربه‌خۆیا كوردستانێ،دەرگەهێن سنووری داخستبن و جه‌خت ل هندێ دکەت،کو ئالوگۆریا بازرگانى دێ دناڤبەرا سه‌رجه‌م مه‌رزێن ئێران و هه‌رێما كوردستانێ دا د به‌رده‌وام بن.
ئاژانسا نووچەیێن فه‌رمی یێن ئیرانێ (ئیرنا) ل سه‌ر زارێ حه‌مید حسێنى، ئه‌میندارێ ژوورا بازرگانی یا ئێران _ عێراقێ رەتکریە،کو وەلاتێ وی سنوورى ل گه‌ل هه‌رێما كوردستانێ داخستبیت و راگه‌هاند:سنوور و گومركێن هەڤبه‌ش دناڤبەرا هه‌ردو لایاندا د به‌رده‌وامن، بتنێ مه‌رزێ (سه‌یران به‌ند) نه‌بیت.
هه‌روه‌سا گوت ژی:هیچ هنارده‌یه‌ك بۆ عێراق و هه‌رێما كوردستانێ نەهاتیە راگرتن،بتنێ به‌رهه‌مهێن نه‌فتی نه‌بن،هەروەسا داخواز کریە کو ده‌ستهە‌لاتدارێن عێراق و هه‌رێما كوردستانێ ژ لێدوانێن توند دوور بكه‌ڤن، وه‌ك ئاماژه‌یه‌ك بۆ دووركه‌فتن ژ لێدوان و هێرشێن داخستنا مه‌رزان و ئالوگۆریا بازرگانى ل گه‌ل هه‌رێما كوردستانێدا دكه‌ن.
هەروەسا پشتی ریفراندۆما سەرخوەبوونا کوردستانێ حوکمه‌تا عێراقێ چه‌ند بریارەک ل دژی هه‌رێما كوردستانێ ده‌ركرن،دناڤا وان ژی دا عێراقێ دڤێت ده‌ست ب سه‌ر دەرگەهێن بازرگانی دا بگریت.
