ئیران دێ 200 میگاواتێن كاره‌بێ ده‌ته هه‌رێمێ
ئه‌ڤرۆ نیۆز، قائید میرۆ
بڕیاره كۆمارا ئیسلامیا ئیرانێ 200 میگاواتێن كاره‌بێ ب رێیا پارێزگه‌ها هه‌له‌بجه بده‌ته هه‌رێما كوردستانێ.
سه‌عید هه‌له‌بجه‌یی، رێڤه‌به‌رێ كاره‌با پارێزگه‌ها هه‌له‌بجه ب ئه‌ڤرۆ نیۆز راگه‌هاند” پشتی سه‌ره‌دانا شانده‌كێ پارێزگه‌ها هه‌له‌بجه بۆ باژێڕێ سنه یا كۆمارا ئیسلامیا ئیرانێ، ئیرانێ به‌رهه‌ڤیا خوه نیشاندایه بۆ پێدانا 200 میگاواتێن كاره‌بێ ب هه‌رێما كوردستانێ، به‌لێ هێشتا كارێن گرێدانا تۆڕا كاره‌با هه‌رێمێ دگه‌ل ئیرانێ ماینه.
سه‌عیدی گۆتژی” ئه‌گه‌ر ئیران ئه‌ڤان 200 میگاواتێن كاره‌بێ بده‌ت هه‌رێما كرودستانێ دێ چیته ناف تۆڕا نیشتیمانی و دێ بۆهه‌موو كوردستانێ بیت نه‌ك تنێ هه‌له‌بجه، به‌لێ ئه‌ڤێ چه‌ندێ پێدڤی ب رازینا حوكمه‌تا عێراقا فیدڕال هه‌یه.
