ئیران: مە خوە بۆ شەڕەکێ دۆمدرێژ بەرهەڤ کریە
پەیڤدارێ وەزارەتا دەرڤە یا ئیرانێ دیار کر، ئێرشێن ڤێ دووماهیێ یێن ئەمریکا بێ بەرسڤ نەمان و ئیرانێ هەر زوو بەرسڤا دەستدرێژیێن ئەمریکا دا و هەکە ئەمریکا پێگیریێ ب سۆزێن خوە نەکەت دێ ئیران یا پێدڤی ل دژی ئەمریکا و هەڤپەیمانێن وێ کەت.
ئیسماعیل بەقایی ئەو یەک ژی دیار کر، دوهی ئەمریکا ئێرشی چەندین دەڤەران ل ئیرانێ کربوو و زیانێن مەزن گەهاندینە ئیرانێ، ل هەمبەر دا هێزێن ئیرانێ ژی ئێرشی چەندین بنگەهێن ئەمریکا ل رۆژهەلاتا ناڤین کرن و ئیران ب چو رەنگەکێ زێدەگاڤیێن ئەمریکا قەبوول ناکەت و بلا ئەمریکا چاڤەرێی ڤێ یەکێ نەبیت کو دێ ئیران خوە رادەست کەت، ئیرانێ خوە بۆ شەڕەکێ دۆمدرێژ ل دەڤەرێ بەرهەڤ کریە و دێ یا پێدڤی ل دژی ئەمریکا کەت، هەروەسا بابەتێ دەرتەنگا هورمزێ ژی وەکو بەرێ نابیت و بێی رازیبوونا ئیرانێ چو گەمیێن بازرگانی نەشێن ل دەرتەنگا هورمزێ هاتنوچوونێ بکەن.
