ئیران: مە فرۆکەیێن نوو ژ رۆسیایێ کڕینە
محەمەد ئەکرەمینیا پەیڤدارێ لەشکرێ ئیرانێ دیار کر، وان خوە بۆ شەڕەکێ دەمدرێژ بەرهەڤ کرینە و گەفێن نها یێن ئەمریکا و ئسرائیلێ ژی بێی بەرسڤ نامینن و ئیرانێ فرۆکەیێن نوو یێن سوخو ٣٥ ژ رۆسیا کڕینە و هەروەسا ئیرانێ شیایە د دەمەکێ کورت دا ب هزاران درۆن و مۆشەکێن پێشکەفتی دروست بکەت و هەکە ڤێجارێ شەڕ دەستپێ بکەت وەکو جارا بۆری نابیت و ئیران دێ شێت ل هەر جهەکێ ئێرشی دوژمنێن خوە بکەت و زیانێن گەلەک مەزن ژی بگەهینتە وان.
ناڤهاتی ئەو یەک ژی دیار کریە، هەر وەلاتەکێ دەڤەرێ هاریکاریا ئەمریکا و ئسرائیلێ بکەت دێ بیتە ئارمانجا ئێرشێن ئیرانێ و دڤێت چو وەلاتەک ل دەڤەرێ رێ نەدەت کو ئاخا وان ل دژی ئیرانێ بهێتە بکارئینان.
