ئیران هۆشداریان ددەتە ئەمریكا
ئەڤرۆ نیوز ، زنار تۆڤی:
جێگرێ فەرماندێ سوپایێ پاسدارێن ئیرانێ هۆشداریا ددەتە ئەمریكا و دبێژیت: كەشتا فرۆك هەلگرێن هەوە دێ كەڤنە ناڤا نیشانا مووشەكێن مە و هەروەسا ئەمریكا نەشێت هەژموونا خوە وەكو بەرێ ب سەر كەنداڤیدا ب سەپینیت.
عەمید حسێن سەلامی، جێگرێ فەرماندێ پاسەوانێن ئیرانێ بۆ تەلەفزیۆنا (ئیران ئەلیەوم) گۆتیە، ب چو شێوان ئەمریكا نەشێت شەری ل دژی ئیرانێ بکەت و ئەڤە ژی ب ئەگەرێ وان شیانێن سەربازی یێن مە هەین، كو ئەم دشێین هێرشێ ل سەر بەرژەوەندیێن سەرەكی یێن سەربازی یێن ئەمریكا ل ڤێ دەڤەرێ بكەین.
هه‌روه‌سا گۆتیە: دەمێ ترەمپی گوتى کو ئیران دشێت د (12) خولەکان دا وێ دەڤەرێ داگیر بکەت، لێ مە راگەهاندیە کو مە نەڤێت وێ دەڤەرێ داگیر بکەین، بەلێ ئەم دشێین ب ماوەکێ کێمتر دووماهیێ ب هەژموونا ئەمریکا ل وێ دەڤەرێ بینین.
دەربارەى هەبوونا کەشتێن فرۆکە هەلگر یێن ئەمریکا ل کەنداڤی، سەلامى دیارکریە، ئێدی ئەمریکا نەشێت وەکو بەرێ هەژموونا خوە هەبیت ل سەر دەڤەرا کەنداڤیدا، هەروەسا کەشتیا فرۆکە هەلگرێن وان ل بەردەم موشەکێن مە دایە، لەوما شەر پەیدا نابیت.