ئیران: پێدڤییە ئەمریکا سێ مەرجێن مە قەبوول بکەت
موحسێن رزایی سکرتێرێ جڤاتا ئاسایشا نەتەوەیی یا ئیرانێ دیار کر، وان ب رێیا وەلاتێ قەتەرێ سێ مەرجێن خوە بۆ ئەمریکا دیار کرینە و هەکە ئەمریکا وان مەرجێن ئیرانێ قەبوول بکەت و بجه بینیت وی دەمی دێ شەڕ ب دووماهی هێت و ئەو یەک دێ کاریگەریا خوە ل سەر هەموو دەڤەرێ هەبیت.
سەبارەت ب مەرجێن ئیرانێ ژی سکرتێرێ گشتی یێ جڤاتا ئاسایشا نەتەوەیی یا ئیرانێ دیار کریە، دڤێت بەری هەر تشتەکێ ئەمریکا سزایێن دەریایی ل سەر ئیرانێ راکەت و دڤێت هەموو پارەیێن بلۆکەکری یێ ئیرانێ ژی بهێتە ئازاد کرن، هەروەسا دڤێت ئەمریکا گەرەنتیێ ژی بدەتە ئیرانێ کو جارەکا دی ئێرشی ئیرانێ نەکەت، هەکە ئەمریکا ڤان هەر سێ مەرجان قەبوول بکەت دێ د زووترین دەم دا دەرتەنگا هورمزێ هێتە ڤەکرن و دێ رەوشا دەڤەرێ ژی گەلەک باش بیت.
سەبارەت ب ئێرشێن حوسییان ژی ناڤهاتی دیار کریە، وەکو ئیران ئەو بەرهەڤن وەکو ناڤبژیڤان کار بکەن دا شەرێ ل یەمەنێ ب دووماهی بهێت و ژ بۆ ڤێ یەکێ ژی ئیران بەرهەڤە یا پێدڤی بۆ ئارامیا دەڤەرێ بکەت و گرنگە ئەمریکا ژی ئەرکێن خوە بجه بینیت.
