ئیران: چو دانوستاندنان ل گەل ئەمریکا ناکەین
پەیڤدارێ وەزارەتا دەرڤە یا ئیرانێ دیار کر، ئەمریکا دڤێت ب رێیا دانوستاندنان داخوازیێن خوە ل سەر ئیرانێ فەرز بکەت، بەری نها ژی ترامپی ئەو یەک ئەنجام دابوو، لێ نەشیا بگەهیتە ئارمانجێن خوە و نها ژی ئیران ب توندی ل دژی زێدەگاڤیێن ئەمریکا یە، ئیرانێ دڤێت پرسێن هەی ب رێیا دانوستاندنان چارەسەر بکەت، لێ د هەمان دەمی دا ئیران دەست ژ داخوازی و مافێن خوە بەرنادەت و دڤێت ئەمریکا ژی رێزێ ل ئیرادەیا گەلێ ئیرانێ بگریت.
ئیسماعیل بەقایی ئەو یەک ژی دیار کر، بابەتێ دەرتەنگا هورمزێ ب چو رەنگەکێ ل گەل ئەمریکا نابیتە مژارا گەنگەشێ، چونکی دەرتەنگا هورمزێ دێ هەردەم ل ژێر کۆنترۆلا ئیرانێ دا بیت و ئەمریکا چو ماف نین بەحسێ چارەنڤیسێ دەرتەنگا هورمزێ بکەت و گۆت: (وەکو ئیران مە نەڤێت رەوشا رۆژهەلاتا ناڤین ئالۆز ببیت و مە دڤێت پەیوەندیێن خوە ل گەل هەموو وەلاتێن دەڤەرێ باش بکەین، لێ د هەمان دەمی دا مە هۆشداری دایە وەلاتێن دەڤەرێ کو نەبنە پشتەڤان و هاریکارێن ئەمریکا، چونکی بنگەهێن سەربازی یێن ئەمریکا ل کیژ وەلاتێن دەڤەرێ هەبن دێ بنە ئارمانجا ئێرشێن ئیرانێ، ژ بەر ڤێ یەکێ ژی گرنگە وەلاتێن رۆژهەلاتا ناڤین هاریکاریا ئەمریکا نەکەن و نەبنە ئەگەر رەوشا دەڤەرێ ئالۆزتر لێ بهێت).
