ئیسپانیا ژ كاره‌كێ تیرۆرستی د رۆژا یاریا كلاسیكو دترسیت
ئه‌ڤرۆنیۆز، ئه‌یاد به‌رواری
حوكمه‌تا ئیسپانی راگه‌هاند كو یاریا كلاسیكو ل ئیسپانیا د ناڤبه‌را ریال مه‌درید و به‌رشه‌لونا كو دێ ل رۆژا شه‌مبیا داهاتی هێته ئه‌نجامدان دێ ل به‌رده‌م پێرابوونێن ئه‌منی یێن توند بیت و داخواز ژ وه‌لاتیێن ئیسپانی كر هاریكاریا هێزێن ئه‌منی بكه‌ن.
كونسیبسیو دانكاوسا نوونه‌را حوكمه‌تا ئیسپانی ل مه‌درید دیاركر، یاریا كلاسیكو كو دێ ل سه‌ر ئه‌ردێ یاریگه‌ها (سانتیاگو برنابیو) ل مه‌درید هێته ئه‌نجامدان دێ ل بن ره‌وشه‌كا گه‌له‌ك مه‌ترسیدار هێته ئه‌نجامدان و دێ ئه‌و كریارێن تیرۆرستی یێن ل فره‌نسا هاتینه كرن ل به‌رچاڤ وه‌رگرین و دێ پێرابوونێن ئه‌منی یێن توند وه‌رگرین.
دانكاوسا گوت ژی” پێشبینیا ئه‌نجامدانا كریارێن تیرۆرستی ل هه‌موو وه‌لاتێن ئه‌ورۆپی دهێته كرن، چونكی تیرۆر یا بوویه دیارده‌كا جیهانی و پێدڤیه ئه‌م گه‌له‌ك د هشیار بین”.
