ئیڤەرتون پشتی ھەڤبەست ل گەل سێ یاریزانێن بەرشەلۆنا ئیمزاکری یێ چارێ ژی کریە ئارمانجا خوە
ئەڤرۆ نیوز:
یانا ئیڤەرتون یا ئنگلیزی ئەوا ژ ھاڤینا بوری و ھەتا نوکە ھەڤبەست ل گەل سێ یاریزانێن یانا بەرشەلۆنا ئیمزاکریە و نوکە ئارمانجا خوە کریە یاریزانێ چارێ پشتی ل ھاڤینا بوری ب فەرمی ھەڤبەست ل گەل ھەر ئێک ژ یێ کولومپی یاری مینا و لوکاس دینی ئیمزاکری و ل ماوێ چەند حەفتیێن بوری ب فەرمی شیاین ئەندرێ گومێز ژی بینە دناڤ رێزێن خوە دا پشتی بھایێ ھەلوەشاندنا وی پێشکێشی وێ یانا ئیسپانی کری.
رۆژناما سپورت یا کەتەلونی دیارکریە یانا ئیڤەرتون دخوازیت ھەڤبەستێ ل گەل یاریزانێ چارێ یێ یانا بەرشەلۆنا ئیمزا بکەت د ماوێ سالەکێ دا پشتی شیای ل ماوێ بوری د سێ ڤەگوھاستنا دا ب سەرکەڤیت ل گەل وێ یانا کەتەلونی و ئەڤ جارە ئارمانجا خوە کریە یاریزانێ بەرازیلی مالکوم .
ھەردیسان وێ رۆژنامێ ئاشکراکریە ژی وێ یانا ئنگلیزی ب فەرمی دەست ب لڤینا کریە و کوژمێ ٣٥ ملیون یورۆیا بوو ڤەگوھاستنا وی یاریزانی بەرھەڤکریە وەکو بھایێ ھەلوەشاندنا وی ھەردیسان ل گەل موچەیەکێ سالانە بۆ مالکوم.
رێڤەبەرێ وێ یانا ئنگلیزی د داخویانیەکا رۆژنامەڤانی دا ژی دیارکریە ئارمانجا ئەوان یا سەرەکی نوکە مالکوم و بریارە ل چەند رۆژێن بھێت بەر ب وەلاتێ ئیسپانیا بچن بوو دەست ب دانوستاندنان ل گەل یانا بەرشەلۆنا بۆ دووماھیی ئینانا بابەتێ ڤەگوھاستنا مالکوم.
