ئێكەم ترەكتۆرا ناڤخۆیی ژ بەرهەمێ كارگەها ئەترووش ل دهۆكێ هاتە تۆماركرن
دهۆك، دلۆڤان ئاكرەیی:
د. هەڤال سەدیق، ڕێڤەبەرێ گشتی یێ وەبەرهێنانێ ل پارێزگەها دهۆكێ بۆ رۆژنامەیا ئەڤرۆ خویا كر، ب پشتبەستن ل سەر بەرهەمێ ناڤخۆیی و گەرەنتیكرنا ئاسایشا خوارن و ئابوورییەكا ب هێزە بۆ پاشەڕۆژا وەلاتی، دیسا ترەکتۆرا کومپانیێ یا ئێکێ ل رێڤەبەریا هاتن و چوونێ هاتە تۆمارکرن.
ناڤهاتی گۆت: «پرۆژەیێ كارگەها ئەترووش بۆ لێكدان و دروستكرنا ترەكتۆران، مۆلەتا وەبەرهێنانێ یا هەژمارە (824) سەر ب كۆمپانیا ئەنوەر ئەترووشی ڤە وەرگرتیە، ئەڤ پرۆژە ل سەر رووبەرێ 67 هزار و 253 مەترێن دوجار ل دەڤەرداریا سێمێلێ (كانی سپی)یێ ب سەرمایەیێ شەش ملیۆن و 380 هزار و 952 دۆلاران هاتیە دروستكرن، ڤێ كارگەهێ رۆژانە شیانێن لێكدانا 50 دانەیێن ترەكتۆرا هەیە ب شەش جۆرێن جوداڤە، ئەڤ كارگەهە ژ چەندین هۆلێن لێكدان، عمبار، پارچەیێن یەدەگ و ئاڤاهیێن كارگێڕی پێك دهێت».
